பெண் ஊழியருக்கு இன்ப அதிர்ச்சி கொடுத்த Zomato CEO!
தனது நிறுவனத்தில் 10 ஆண்டுகாலமாக பணிபுரியும் பெண் ஊழியரை இன்ப அதிர்ச்சியில் ஆழ்த்தினார் சொமேட்டோ சிஊஓ.
சோமாட்டோவின் சிஇஓ தனது நிறுவனத்தில் பணிபுரிந்து வரும் பெண் ஊழியரின் 10 ஆண்டு கால நிறைவையொட்டி, “போட்டோ கேக்” செய்து அவருக்கு இன்ப அதிர்ச்சி தந்தார். மேலும் அவரே அந்த கேக்கை ஊழியருக்கு டெலிவரி செய்தார். இது தொடர்பாக சோமாட்டோ சிஇஓ தீபிந்தர் கோயல் தனது சமூக வலைதளத்தில் பதிவு ஒன்றை பதிவிட்டுள்ளார்.
அந்த பதிவில் அவர் கூறியதாவது “சோமாட்டோவில் 10 ஆண்டுகள் முடித்த ஆஷ்னாவை வாழ்த்துவதற்காக “போட்டோ கேக்” என்னும் புதிய அம்சத்தை பயன்படுத்தி அவருக்கு பரிசளித்தோம். அவர் தனது 20 வயதில் சோமாட்டோவில் சேர்ந்தார். இப்போது சோமாட்டோவில் HR குழுவுக்கு இணை தலைமை தாங்குகிறார். அன்னையர் தினத்திற்காக அறிமுகப்படுத்திய இந்த அம்சத்தை எங்களுடன் மிகவும் நெருக்கமாக பணியாற்றிய எங்கள் உணவக உரிமையாளர்களுக்கு மிக்க நன்றி” எனத் அவர் தெரிவித்துள்ளார்.
