பெண் தோழியுடன் கஞ்சா போதையில் கார் ஓட்டிய இளைஞர்..!! இருவர் மரணம்..!! 4 பேர் படுகாயம்..!! சென்னையில் அதிர்ச்சி..!!

சென்னையில் ஏரோநாட்டிகல் படித்து விட்டு தனியார் நிறுவனத்தில் வேலை பார்த்து வந்தவர் ஆசிப். இவர் தனது நண்பர் ரமணா மற்றும் ஒரு பெண் தோழியுடன் மது, கஞ்சா அருந்திவிட்டு போதையில் கார் ஓட்டி வந்துள்ளார். அண்ணாநகர் 2வது அவென்யூ பிரதான சாலையில் இன்று அதிகாலை 2.30 மணி அளவில் அதிவேகமாக சென்று கொண்டிருந்த கார் கட்டுப்பாட்டை இழந்தது.

அப்போது, சாலையோரம் நின்றிருந்தவர்கள், துப்புரவு பணியாளர், சூப்பர் மார்க்கெட் பாதுகாவலர் என 6 பேர் மீது கார் மோதியது. இந்த விபத்தில் சூப்பர் மார்க்கெட் காவலாளி நாகசுந்தரம், கல்லூரியில் 2ஆம் ஆண்டு மாணவர் விஜய் யாதவ் ஆகியோர் உயிரிழந்தனர். இந்த விபத்தை ஏற்படுத்திய காரில் வந்த 3 பேரில் இரண்டு பேர் தப்பிச் சென்றதையடுத்து, ஒருவரைப் பிடித்த பொதுமக்கள் போலீசாரிடம் ஒப்படைத்தனர். இது குறித்து காவல்துறையினர் அப்பகுதியில் இருந்த சிசிடிவி காட்சிகளைக் கைப்பற்றி ஆய்வு மேற்கொண்டனர்.

விபத்தை ஏற்படுத்திய ஆசிப் கைது செய்யப்பட்ட நிலையில், அவருடன் உடன் இருந்த அவரது பெண் தோழி, ரமணா அங்கிருந்து தப்பி ஓடிவிட்டார். இந்த சம்பவம் தொடர்பாக போலீசார் விசாரணை மேற்கொண்டு வந்த நிலையில், காரை ஓட்டி விபத்தை ஏற்படுத்திய ஆசிப் என்பவர் கஞ்சா போதையில் இருந்தது விசாரணையில் உறுதி செய்யப்பட்டுள்ளது. இச்சம்பவம் தொடர்பாக வழக்குப்பதிவு செய்யப்பட்டு தீவிர விசாரணை நடைபெற்று வருகிறது.