Yearender : இன்றுடன் விடைபெறும் 2024.. நாட்டை உலுக்கிய கோர சம்பவங்கள் ஒரு பார்வை..!!
பேரழிவு தரும் விபத்துகள், எரிவாயு டேங்கர் குண்டுவெடிப்புகள், இயற்கை பேரழிவுகள் என 2024 ஆம் ஆண்டில் பல சவால்களை இந்தியா எதிர்கொண்டது, இது பல உயிரிழப்புகள் மற்றும் பரவலான சேதத்தை ஏற்படுத்தியது. இன்றுடன் இந்த ஆண்டு நிறைவடைய உள்ள நிலையில், 2024-ல் இந்தியாவை உலுக்கிய குறிப்பிடத்தக்க சம்பவங்களை இந்த பதிவில் பார்க்கலாம்.
1. கேரளா நிலச்சரிவு : ஜூலை 30 அன்று, கேரளாவில் நிலச்சரிவு ஏற்பட்டது, 300 க்கும் மேற்பட்ட மக்கள் கொல்லப்பட்டனர் மற்றும் ஏராளமான வீடுகள் மற்றும் பிற கட்டிடங்கள் இடிந்தன. வயநாட்டின் முண்டக்காய் மற்றும் சூரல்மாலா பகுதிகளில் ஏற்பட்ட பெரிய நிலச்சரிவுகள் கிட்டத்தட்ட இரு பகுதிகளையும் அழித்துவிட்டன. கேரள முதல்வர் பினராயி விஜயன், நிலச்சரிவில் சிக்கி உயிரிழந்தவர்களின் குடும்பத்தினருக்கு தலா 6 லட்சம் ரூபாய் நிவாரணம் வழங்கப்படும் என அறிவித்தார்.
2. ஜெய்ப்பூர் எரிவாயு டேங்கர் விபத்து : ஜெய்பூர்-அஜ்மீர் நெடுஞ்சாலையில் டிசம்பர் 20ஆம் தேதி அதிகாலை 5.30 மணி அளவில் டெல்லி ப ப்ளிக் ஸ்கூல் முன்புறம் பாங்க்ரோடா பகுதியில் எரிவாயு டேங்கர் லாரி சாலையின் ஒரு புறத்தில் இருந்து இன்னொரு புறத்துக்கு செல்ல யு டர்ன் வளைவில் திரும்பியது. எதிர்புறத்தில் வேகமாக வந்த வாகனம் எரிவாயு டேங்கர் லாரி வருவது தெரியாமல் பலமாக மோதியது.
மோதிய வேகத்தில் எரிவாயு டேங்கர் லாரி வெடித்து தீப் பற்றியது. என்ன நடக்கிறது என்பதை அறிவதற்குள், எரிவாயு டேங்கர் லாரியின் பின்னால் வந்து கொண்டிருந்த வாகனங்கள் மீதும் மளமளவென தீபரவியது. இதில் 29 லாரிகள், டேங்கர்கள் உட்பட 40 வாகனங்கள் தீயில் கருகின. இரண்டு பேருந்துகள், கார்கள் உள்ளிட்ட 11 வாகனங்களும் தீயில் கருகின. எரிவாயு டேங்கர் வெடித்த வேகத்தில் அதில் இருந்து எரிவாயு தீயுடன் பரவியது. எனவே அடுத்தடுத்து பின்னால் இருந்த வாகனங்களில் வந்தவர்கள் வாகனத்தை விட்டு வெளியேறவும் முடியவில்லை, எனவே அவர்கள் உயிரிழக்க நேரிட்ட பரிதாபம் நிகழ்ந்தது. இந்த விபத்தில் 17 பேர் உயிர்ழந்ததாக கூறப்படுகிறது.
3. ஹத்ராஸ் நெரிசல் : உத்தர பிரதேசம், ஹாத்ரஸ் மாவட்டம் சிக்கந்தராரா கிராமத்தில் கடந்த ஜூலை 2-ம் தேதி சத்ஸங் நாராயண் சாகர் விஷ்வ ஹரி போலேபாபா, நடத்திய ஆன்மிகக் கூட்டத்தில் ஏற்பட்ட கூட்ட நெரிசலில் 112பெண்கள் உட்பட 121 பேர் உயிரிழந்தனர்.
சிக்கந்த்ரா ராவ் பிளாக்கின் ஃபுல்ராய் கிராமத்தில் எஸ்.பி.சிங் என்ற போலே பாபா என்பவரது ஆன்மீக உரையை கேட்கத் தான் ஆயிரக்கணக்கில் கூடினர். இந்த நிகழ்ச்சி முடிந்ததும் பகல் 12.30 மணியளவில் மக்கள் குறுகிய வாயில்கள் வழியாக வெளியேறத் தொடங்கினர்.
அப்போது நிகழ்ச்சி ஏற்பாட்டாளர்கள் போலே பாபாவின் வாகன அணி வகுப்பை பின் வாசலில் இருந்து அழைத்துச் செல்ல தொடங்கினர். இதனால் ஆயிரக்கணக்கான மக்களை தடுத்து நிறுத்தினர். இதனால் சில பெண்களும், குழந்தைகளும் கூட்ட நெரிசலில் சிக்கில் கீழே விழுந்தனர். விழுந்தவர்கள் எழுவதற்குள் மக்கள் கூட்டம் அவர்களை நசுக்கியது. மேலும் பலர் விழ அந்த இடத்தில் கடும் நெரிசல் ஏற்பட்டது. அந்த நெரிசல் காரணமாக குழந்தைகள், பெண்கள் என பலர் நசுக்கப்பட்டனர். இதனால் குறுகிய நேரத்தில் நூற்றுக்கணக்கானோர் உயிரிழந்தனர். நூற்றுக்கணக்கானோர் படு காயமடைந்தனர்.
4. ராஜ்கோட் கேமிங் மண்டல தீ : இந்த ஆண்டு மே 25 ஆம் தேதி டிஆர்பி கேம் மண்டலத்தில் பெரும் தீ விபத்து ஏற்பட்டதில் குழந்தைகள் உட்பட 27 பேர் கொடூரமாக கருகி இறந்தனர். TRP விளையாட்டு மண்டலத்தில் பணிபுரிந்த முக்கிய குற்றவாளி, பனஸ்கந்தா உள்ளூர் குற்றப்பிரிவு மற்றும் ராஜ்கோட் காவல்துறையினரால் கைது செய்யப்பட்டார்.
கைது செய்யப்பட்ட ஆர்எம்சி ஊழியர்களுக்கு எதிராக போலி, ஆதாரங்களை அழித்தல், குற்றவியல் சதி மற்றும் தூண்டுதல் தொடர்பான இந்திய தண்டனைச் சட்டத்தின் (ஐபிசி) 465, 466, 471, 474, 120 (பி), 201, 114 ஆகிய பிரிவுகளையும் போலீசார் பயன்படுத்தியுள்ளனர். அதிகபட்சமாக 10 ஆண்டுகள் வரை சிறைத்தண்டனை விதிக்கக்கூடிய குற்றங்களில் அவர்கள் மீது குற்றப்பத்திரிகை தாக்கல் செய்யப்பட்டுள்ளது. காவல்துறையின் கூற்றுப்படி, ஆர்எம்சியின் தீயணைப்புத் துறையின் தடையில்லாச் சான்றிதழ் (என்ஓசி) இல்லாமல் விளையாட்டு மண்டலம் இயக்கப்பட்டது.
5. ஹத்ராஸ் பேருந்து விபத்து : உத்திரபிரதேச மாநிலம் ஹத்ராஸ் மாவட்டத்தில் தேசிய நெடுஞ்சாலை 93 இல் வாகனத்தின் மீது சாலையோரப் பேருந்து ஒன்று பின்னால் மோதியதில் வேனில் பயணம் செய்த பெண்கள் மற்றும் குழந்தைகள் உட்பட குறைந்தது 17 பேர் உயிரிழந்தனர்.
6. ஜான்சி மருத்துவமனையில் தீ : நவம்பர் 15ஆம் தேதி உத்தரப் பிரதேசத்தில் அரசு மருத்துவமனையில் நிகழ்ந்த தீ விபத்தில் 17 பச்சிளம் குழந்தைகள் பரிதாபமாக உயிரிழந்தன. ஜான்சி மாவட்டத்தில் உள்ள மகாராணி லட்சுமிபாய் அரசு மருத்துவமனையில் குழந்தைகள் சிகிச்சைப் பிரிவில் மின்கசிவு காரணமாக தீ விபத்து ஏற்பட்டுள்ளது.
7. மும்பை படகு விபத்து : டிசம்பர் 18 அன்று மும்பையில் கேட்வே ஆஃப் இந்தியா அருகே பயணிகளை ஏற்றிச் சென்ற படகு கவிழ்ந்ததில் 15 பேர் உயிரிழந்துள்ளதாக அம்மாநில முதல்வர் தேவேந்திர பட்னாவிஸ் உறுதி செய்துள்ளார். இதில் உயிரிழந்தவர்களில் 10 பேர் பொதுமக்கள் எனவும், மூன்று பேர் கடற்படை வீரர்கள் எனவும் தெரிவிக்கப்பட்டுள்ளது. இந்த விபத்து இன்று மாலை 3.55 மணிக்கு பச்சர் தீவிக்கு(butcher island) அருகில் நடந்ததாக தெரிவிக்கப்பட்டுள்ளது.
8. மேற்கு வங்க ரயில் மோதல் : மேற்கு வங்காளத்தின் டார்ஜிலிங் மாவட்டத்தில் உள்ள ரங்கபாணி ரயில் நிலையம் அருகே கஞ்சன்ஜங்கா எக்ஸ்பிரஸ்ஸை, அதிக வேகம் மற்றும் தவறான சிக்னல் காரணமாக, ஜூன் 17 அன்று சரக்கு ரயில் பின்னால் நிறுத்தியதில் 11 பேர் உயிரிழந்தனர், குறைந்தது 60 பேர் காயமடைந்தனர். ரங்கபாணி ரயில் நிலையம் அருகே அகர்தலா-கஞ்சன்ஜங்கா எக்ஸ்பிரஸ் பயணிகள் ரயில் மீது சரக்கு ரயில் மோதியதில் 41 பேர் காயமடைந்தனர்.
9. பரேலி மேம்பாலம் விபத்து : உத்தரபிரதேசத்தின் பரேலி மாவட்டத்தில், 'கூகுள் மேப்ஸ்' மூலம் வழிகாட்டப்பட்ட கார், ராமகங்கா ஆற்றில் கட்டப்பட்டு வரும் மேம்பாலத்தில் இருந்து கவிழ்ந்து விபத்துக்குள்ளானதில் மூன்று பேர் பரிதாபமாக உயிரிழந்தனர். நவம்பர் 23ஆம் தேதி, திருமண நிகழ்வில் கலந்துகொள்ளச் சென்றிருந்தபோது இந்தச் சம்பவம் நிகழ்ந்துள்ளது.
10. அசாம் பேருந்து-டிரக் விபத்து : அசாமின் கோலாகாட் மாவட்டத்தில் ஜனவரி 3 ஆம் தேதி ஒரு சோகமான பேருந்து விபத்து ஏற்பட்டது, 45 பயணிகளை ஏற்றிச் சென்ற பேருந்து ஒரு டிரக் மீது மோதியதில் 12 பேர் உயிரிழந்தனர் மற்றும் 30 பேர் காயமடைந்தனர். டெர்கான் அருகே உள்ள பாலிஜான் பகுதியில் இந்த மோதல் ஏற்பட்டது. இதைத் தொடர்ந்து, உள்ளூர் அதிகாரிகள் மற்றும் பொதுமக்கள் சம்பவ இடத்திற்கு விரைந்து வந்து மீட்புப் பணியில் ஈடுபட்டனர். பிரதமர் நரேந்திர மோடியும் விபத்துக்கு இரங்கல் தெரிவித்துள்ளார்.
