எதுக்கு இப்படி மக்களுக்கு தவறான தகவல்களை கொடுக்குறீங்க..? ஏமாத்தாதீங்க..!! எகிறிய பிரேமலதா விஜயகாந்த்..!!

சென்னையில் மழைநீர் வடிகால் பணிகள் 95% முடிந்துவிட்டதாக கூறப்படுவது தவறானது என்று தேமுதிக பொதுச்செயலாளர் பிரேமலதா விஜயகாந்த் கடுமையாக விமர்சித்துள்ளார்.

இதுகுறித்து சென்னை விமான நிலையத்தில் செய்தியாளர்களிடம் பேசிய அவர், ”மழைக்காலம் தொடங்குவதற்கு முன் சாலைகளை சீரமைக்க வேண்டியது அரசின் முக்கிய கடமை. அரசு தரப்பில் வழங்கப்படும் தவறான தகவல்களை நம்பி மக்களை ஏமாற்ற வேண்டாம். மழைநீர் வடிகால் பணிகள் முழுமையாக முடிவடைந்தது போன்ற பொய்யான தகவல்கள் பொதுமக்களை உற்சாகப்படுத்தினாலும், நிலைமை உண்மையில் அப்படியில்லை.

சென்னையின் சாலைகள் பல ஆண்டுகளாக சரிவர பராமரிக்கப்படவில்லை என்றும் துரிதமாக சீரமைப்பு பணிகளை மேற்கொள்ளவேண்டிய அவசியத்தை பிரேமலதா விஜயகாந்த் தெரிவித்தார். மழைக்காலம் வரும்போது, சாலைகளின் மோசமான நிலைமையைப் பார்த்து மக்கள் பெரும் பாதிப்புக்குள்ளாகக்கூடும் என்று தெரிவித்தார்.

இதேபோல், தமிழ் மாநில காங்கிரஸ் தலைவர் ஜி.கே. வாசனும் சென்னையின் சாலைகள் பற்றிய கோரிக்கைகளை முன்னிலைப்படுத்தி, மழைநீர் வடிகால் பணிகள் முறையாக நடத்தப்படவில்லை என தமிழ்நாடு அரசின் நடவடிக்கைகளை விமர்சித்தார்.

Read More : நிலவையே ஆட்டிப்படைத்த கொரோனா ஊரடங்கு..!! அப்படி என்ன நடந்துச்சு தெரியுமா..? விஞ்ஞானிகள் பரபரப்பு தகவல்..!!