மீதமான சாதத்தை இப்படி தான் சூடுபடுத்தி சாப்பிடணும்.. இல்லன்னா கல்லீரலுக்கு ஆபத்தாக மாறும்..!
தென்னிந்தியாவின் பிரதான உணவாக சாதம் உள்ளது. பெரும்பாலான மக்கள் சாதத்தை விரும்பி சாப்பிடுகின்றனர். சிலர் 3 வேளை சாதம் கொடுத்தாலும் சலிக்காமல் சாப்பிடுவார்கள். ஆனால் சில சமயங்களில் உங்களுக்குப் பிடித்த சாதம் கூட உடல்நலக் கேடுகளை உண்டாக்கும். குறிப்பாக மீதமான சாதத்தை மீண்டும் சூடுபடுத்தி சாப்பிடுவது ஆபத்தானது.
சாதம் சேமிக்கப்பட்டாலோ அல்லது சூடுபடுத்தப்பட்டாலோ, தீங்கு விளைவிக்கும் பாக்டீரியாக்கள் உருவாகலாம், இது உங்கள் ஆரோக்கியத்தை பாதிக்கலாம் என்று ஊட்டச்சத்து நிபுணர்கள் எச்சரிக்கின்றனர்.
உணவியல் நிபுணர் டிம்பிள் இதுகுறித்து பேசிய போது “ அரிசியில் பேசிலஸ் செரியஸ் பாக்டீரியா உள்ளது. சாதத்தை அறை வெப்பநிலையில் அதிக நேரம் வைத்திருந்தால் பெருகும். மீண்டும் சூடுபடுத்தும்போது, இந்த பாக்டீரியாக்கள் அழிக்கப்படுவதில்லை மாறாக நச்சுப் பொருட்களை வெளியிடுகின்றன.
நீண்ட நேரம் குளிர்சாதனப் பெட்டியில் சாதத்தை சேமித்து வைப்பதால், கல்லீரலுக்கு தீங்கு விளைவிக்கும் பாக்டீரியாக்கள் அஃப்லாடாக்சின்களை உற்பத்தி செய்ய அனுமதிக்கின்றன.” என்று தெரிவித்தார்.
அரிசியை முறையற்ற சேமிப்பு மற்றும் மீண்டும் சூடுபடுத்துவது உணவு நச்சு அபாயத்தை அதிகரிக்கலாம். இது வயிற்று வலி, வாந்தி, வயிற்றுப்போக்கு அல்லது குமட்டல் போன்ற அறிகுறிகளுக்கு வழிவகுக்கும். சில சந்தர்ப்பங்களில், பாக்டீரியாவால் உற்பத்தி செய்யப்படும் நச்சுகள் கல்லீரல், சிறுநீரகங்களை சேதப்படுத்தும்.
பாதுகாப்பான உணவை உறுதிப்படுத்த, புதிதாக சமைக்கப்பட்ட சாதத்தை சாப்பிடுவது முக்கியம். நீங்கள் அதை சேமிக்க வேண்டும் என்றால், ஒரு கிண்ணத்தில் போட்டு குளிர்ந்த நீரில் குளிர்விக்கவும், ஒரு மணி நேரத்திற்குள் குளிர்சாதன பெட்டியில் வைக்கவும். பின்னர் 165 ° F வெப்பநிலையில் அதை மீண்டும் சூடுபடுத்தலாம்..
சாதத்தை மீண்டும் சூடு செய்யும் போது அது நன்றாக சூடாவதை உறுதி செய்யுங்கள். ஏனெனில் லேசாக சூடுபடுத்தப்பட்ட சாதம் பாக்டீரியாவை அகற்றாது. தொற்று அபாயத்தை அதிகரிக்கும். நீங்கள் சமைத்த சாதத்தை சேமித்து வைத்தால், அதை 24-48 மணி நேரத்திற்குள் உட்கொள்ள வேண்டும். மேலும் பாக்டீரியா வளர்ச்சியைக் குறைக்க 4 ° C க்கும் குறைவான வெப்பநிலையில் காற்று புகாத கொள்கலனில் வைக்க வேண்டும் என்றும் நிபுணர்கள் பரிந்துரைக்கின்றனர்.
Read More : பன்றிகளை போலவே பூனைகளும் ஆபத்தானவை; அடுத்த பெருந்தொற்றை உருவாக்கலாம்.. எச்சரிக்கும் புதிய ஆய்வு..