தூள்..! தமிழகத்தில் மீண்டும் மஞ்சப்பை பிரச்சாரம் தீவிர படுத்த தமிழக அரசு முடிவு...!

தமிழகத்தில் மீண்டும் மஞ்சப்பை பிரச்சாரம், விழிப்புணர்வு, அமலாக்கம் மற்றும் டிஜிட்டல் கண்காணிப்பு ஆகியவற்றை அரசு செயல்படுத்த உள்ளது.

தமிழக அரசு வெளியிட்டுள்ள செய்தி குறிப்பில்; தமிழ்நாடு மாசு கட்டுப்பாடு வாரியம். செப்டம்பர் 26-27, 2022 அன்று, 173 கண்காட்சியாளர்கள் மற்றும் 5,000 பார்வையாளர்களைக் கொண்ட சுற்றுச்சூழல் மாற்றுகள் மற்றும் புதிதாக தொழில் தொடங்குவோர் மாநாட்டின் தேசிய கண்காட்சியை நடத்தியது. இந்த நிகழ்வு உற்பத்தியாளர்கள். விற்பனையாளர்கள் மற்றும் நுகர்வோர் இடையே இணைப்புகளை எளிதாக்கியதுடன் சூழல் நட்பு தீர்வுகளை முன்னிலைப்படுத்தியது. கண்காட்சியைத் தொடர்ந்து, தமிழ்நாடு மாசு கட்டுப்பாடு வாரியம், ஒருமுறை மட்டுமே பயன்படுத்தும் பிளாஸ்டிக்கிலிருந்து மாறுவதற்கு உதவும் வகையில், 725 சுற்றுச்சூழல் மாற்று உற்பத்தியாளர்கள் மற்றும் விற்பனையாளர்களின் கோப்பகத்தை வெளியிட்டது.

மஞ்சப்பை விற்பனை இயந்திரங்கள் மற்றும் சுற்றுச்சூழல் மாற்று பொருட்களின் வாடிக்கையாளர்களுடனான அனுபவத்தினால், தமிழ்நாடு மாசுக்கட்டுப்பாடு வாரியம் ஆகஸ்ட் 16.2024 அன்று பேக்கத்தான் (Bagathon) என்ற பெயரில் ஹேக்கத்தான் (hackathon) போட்டியை அறிமுகப்படுத்தியுள்ளது. இந்த ஹேக்கத்தான் போட்டியில் தொழில்முனைபவர்கள். கண்டுபிடிப்பாளர்கள் மற்றும் தொழில் வல்லுநர்களிடமிருந்து குறைந்த செலவில் உற்பத்தி முறைகளை ஆராய்வதன் மூலம் துணிப் பைகளின் விலையை ₹5க்குள் குறைக்க வழிவகுக்கும். வெற்றி பெறுபவர்கள் தங்கள் புதுமையான விரிவுபடுத்துவதற்கும் வணிகமயமாக்குவதற்கும் ஆதரவைப் யோசனைகளை பெறுவார்கள்.

மீண்டும் மஞ்சப்பை பிரச்சாரம் மற்றும் ஒருமுறை பயன்படுத்தும் பிளாஸ்டிக் தடையை திறம்பட கண்காணிக்கவும் மதிப்பீடு செய்யவும், தமிழ்நாடு மாசுக்கட்டுப்பாடு வாரியம் வலுவான டிஜிட்டல் தொழில்நுட்பங்களை செயல்படுத்தியுள்ளது. ஜூன் 6, 2023 அன்று தொடங்கப்பட்ட இந்த முயற்சியில் மீண்டும் மஞ்சப்பை கைபேசி செயலி மற்றும் இணையதளம் முக்கிய பங்கு வகிக்கிறது. பயன்பாட்டில் 900 தயாரிப்பு உற்பத்தியாளர்களின் சுயவிவரங்கள், மஞ்சப்பை விற்பனை இயந்திரங்கள் நிறுவப்பட்டுள்ள இடங்களின் புள்ளிவிவரங்கள் மற்றும் ஒருமுறை பயன்படுத்தும் பிளாஸ்டிக் தடை மீறல்களுக்கான தகவல் அளிக்கும் வசதி ஆகியவை உள்ளன. 18,000 பார்வையாளர்களுடன், இது சுற்றுச்சுழலுக்கு உகந்த மாற்றுப்பொருட்களை அணுகுவதை கணிசமாக மேம்படுத்தி நிலையான நடைமுறைகளை ஆதரிக்கிறது.

தமிழ்நாடு மாசுக்கட்டுப்பாடு வாரியம். ஒருமுறை பயன்படுத்தும் பிளாஸ்டிக் தடைக்கு எதிரான விதி மீறல்கள், விழிப்புணர்வு நடவடிக்கைகள், மஞ்சப்பை விற்பனை இயந்திர செயல்பாடுகள் மற்றும் பசுமை படை மற்றும் கடற்கரை மையம் செயல்பாடுகள் பற்றிய தரவுகள், ஆப்ஸ் அடிப்படையிலான கருவிகள் மூலம் கண்காணிக்க பிற டிஜிட்டல் கண்காணிப்பு வழிமுறைகளை உருவாக்கியுள்ளது. இந்தத் தரவுகள் டிஜிட்டல் டாஷ்போர்டுகள் மூலம் தலைமையகத்தில் நிகழ்நேரத்தில் கண்காணிக்கப்பட்டு, சிறந்த மேற்பார்வை மற்றும் சரியான நேரத்தில் தரவுகள் பெறுவதை உறுதி செய்கிறது.

மீண்டும் மஞ்சப்பை பிரச்சாரம், விழிப்புணர்வு, அமலாக்கம் மற்றும் டிஜிட்டல் கண்காணிப்பு ஆகியவற்றின் மூலம் தமிழகத்தில் நிலையான நடைமுறைகளை வெற்றிகரமாக ஊக்குவித்து, ஒருமுறை பயன்படுத்தும் பிளாஸ்டிக்கை உபயோகிப்பதைக் குறைத்து வருகிறது. பொது ஈடுபாட்டை விரிவுபடுத்துதல், அனைத்து தரப்பினரிடமும் பங்குதாரர்களிடையே ஒத்துழைப்பை வளர்ப்பது மற்றும் சுற்றுச்சூழலுக்கு உகந்த மாற்றுகளில் புதுமைகளை உருவாக்குதல் போன்ற முயற்சிகளை தீவிரப்படுத்துவதன் மூலம் தமிழக அரசு தனது சாதனைகளை அதிகரித்து வருகிறது. இந்த முன்முயற்சிகளைத் தொடர்ந்து முன்னெடுத்துச் செல்வதன் மூலமும், அனைத்து தரப்பினரிடையே கூட்டுச் செயலை உறுதி செய்வதன் மூலமும், அனைவருக்கும் தூய்மையான, பசுமையான. மேலும் நிலையான எதிர்காலத்தை உருவாக்க தமிழக அரசு உறுதி பூண்டுள்ளது‌ என தெரிவிக்கப்பட்டுள்ளது.