’சேரி என்பது தவறான வார்த்தை கிடையாது’..!! ’என்னால் மன்னிப்பு கேட்க முடியாது’..!! நடிகர் குஷ்பு பரபரப்பு பேட்டி..!!

சென்னை விமான நிலையத்தில் செய்தியாளர்களிடம் பேசிய குஷ்பு, “சேரி என்பது தவறான வார்த்தை கிடையாது. வேளச்சேரி, செம்மஞ்சேரி என்பது போலதான். அதற்கான விளக்கத்தையும் நான் தெளிவாக கொடுத்துள்ளேன். ‘சேரி’ என்ற வார்த்தை அரசு ஆவணங்களில் இருக்கிறது. வேளச்சேரி, செம்மஞ்சேரின்னு எல்லாம் இருக்கே, அதுக்கு என்ன அர்த்தம்..? இதற்கு மட்டும் போராட்டம் நடத்துவோம் என கூறும் காங்கிரஸ் கட்சியினர், ஒரு பெண்ணான என்னை எவ்வளவு கீழ்த்தரமாக பேச முடியுமோ அவ்வளவு கீழ்த்தரமாக பேசும் திமுகவினரை கண்டித்து ஏன் போராட்டம் நடத்தவில்லை? நான் சந்திக்காத வழக்குகள் கிடையாது. விசாரணைக்கு அழைக்கட்டும் நிச்சயம் போவேன். எனக்கு தெரிந்த மொழியில் நான் பேசினேன்.

இந்தியாவின் குடியரசுத் தலைவராக திரெளபதி முர்மு பதவியேற்ற போது அதனைத் தாங்கிக் கொள்ள முடியாமல் விமர்சனம் செய்தவர்கள் தான் இந்த காங்கிரஸார். நேருவுக்கும், இந்திரா காந்திக்கும் பாரத் ரத்னா வாங்கி கொடுத்தவர்களுக்கு அம்பேத்கருக்கு ஏன் கொடுக்க முடியவில்லை? த்ரிஷா, மன்சூர் அலிகான் விவகாரத்தில் புகார் வந்ததன் அடிப்படையில் நடவடிக்கை எடுத்தோம்.

அதேபோல ரோஜா விவகாரத்திலும் நடவடிக்கை எடுக்க வேண்டும் என புகார் வந்தது. அதன்படி, நடவடிக்கை எடுக்கப்பட்டது. மணிப்பூர் விவகாரத்தில் உங்கள் கைகளுக்கு வந்த பிறகுதான் எங்களுக்கே அந்த வீடியோ வந்தது. அதன்பின் நடவடிக்கை எடுத்தோம். என்ன நடவடிக்கை எடுத்தோம் என்பது காவல்துறையினருக்கு தெரியும்” என்றார்.