Ramar |அறுவை சிகிச்சையின்போது மயக்க மருந்து கொடுக்காமல் ராமர் கோயில் திறப்பு விழா வீடியோ..!! ஆந்திராவில் ஷாக்..!!

ஆந்திராவில் அறுவை சிகிச்சையின்போது நோயாளிக்கு மயக்க மருந்து கொடுக்காமல் ராமர் கோயில் திறப்பு விழாவின் வீடியோவை பார்க்க வைத்து அறுவை சிகிச்சை முடித்ததாக தகவல் வெளியாகியுள்ளது.

Ramar | ஆந்திர மாநிலம் குண்டூர் என்ற பகுதியைச் சேர்ந்த மணிகண்டன் என்ற நோயாளிக்கு வயிற்று வலி காரணமாக அறுவை சிகிச்சை செய்ய வேண்டிய நிலையில், அவருக்கு அறுவை சிகிச்சையின் போது மயக்க மருந்துக்கு பதிலாக அயோத்தி ராமர் கோயில் கும்பாபிஷேக வீடியோவை ஆபரேஷன் தியேட்டரில் போட்டு அறுவை சிகிச்சை செய்யப்பட்டுள்ளதாக தகவல் வெளியாகியுள்ளது.

இது குறித்து மருத்துவர் கூறுகையில், ”மணிகண்டன் ராமர் மீது அதிகமான பக்தி வைத்திருந்ததாகவும், அதனால் அவருக்கு ராமர் கோயில் திறப்பு விழாவின் வீடியோவை போட்டு காண்பித்து அறுவை சிகிச்சை செய்யப்பட்டதாகவும், மணிகண்டனும் ராமர் கோவில் திறப்பு விழாவை சந்தோஷத்துடன் பார்த்துக் கொண்டே அறுவை சிகிச்சை செய்து கொண்டதாகவும், இடையிடையே அவர் ஜெய் ஸ்ரீ ராம் என்று கூறியதாகவும் தெரிவித்துள்ளார். மயக்க மருந்து இல்லாமல் ராமர் கோவில் வீடியோவை பார்த்துக் கொண்டிருக்கும்போதே நோயாளிக்கு அறுவை சிகிச்சை செய்தது ஒரு பக்கம் ஆதரவையும் மற்றொரு பக்கம் பெரும் சர்ச்சையை ஏற்படுத்தியுள்ளது.

Read More : https://1newsnation.com/local-holiday-today-is-a-holiday-for-schools-in-this-district-students-are-happy/