கவனம்... குடிக்க ஜூஸ் கொடுத்து, சிறுமி பலாத்காரம்!!!

கோவை மாவட்டம், சூலூர் அருகே உள்ள பள்ளியில் சிறுமி ஒருவர் பிளஸ் 2 படித்து வந்துள்ளார். கடந்த சில நாட்களாக சிறுமி உடல் சோர்வாகவும், சரியாக படிக்காமலும் இருந்துள்ளார். இதனால் சந்தேகம் அடைந்த பெற்றோர், சிறுமியிடம் விசாரித்துள்ளனர். அப்போது அவர் கூறியதை கேட்டு பெற்றோர் பெரும் அதிர்ச்சி அடைந்துள்ளனர். பாப்பம்பட்டியைச் சேர்ந்த 22 வயது அஸ்வின் என்பவர் உடன், நட்பாக சிறுமி பழகியுள்ளார். கடந்த சில தினங்களுக்கு முன் நட்பு முறையில் தனது வீட்டிற்கு வருமாறு மாணவியை அஸ்வின் அழைத்துள்ளார். இதனால் மாணவி அங்கு சென்ற போது அஸ்வின் வீட்டில் யாரும் இல்லை என்று கூறிவிட்டு, மாணவிக்கு அஸ்வின் கூல்டிரிங்ஸ் குடிக்க கொடுத்துள்ளார். அதை குடித்த சிறிது நேரத்தில் மாணவி மயங்கியுள்ளார்.

பின்னர், மாணவியை அஸ்வின் பலாத்காரம் செய்துள்ளார். மாணவி மயக்கம் தெளிந்து எழுந்தவுடன் நடந்ததை வெளியில் சொன்னால் கொலை செய்து விடுவதாக மிரட்டி உள்ளார். இதையடுத்து, சிறுமியின் பெற்றோர் சூலூர் அனைத்து மகளிர் போலீசில் புகார் அளித்தனர். புகாரின் பேரில், போலீசார் அஸ்வினை அழைத்து விசாரித்தனர், அப்போது வீட்டிற்கு வந்த மாணவிக்கு குளிர்பானத்தில் மது கலந்து கொடுத்து, மயக்கம் அடைந்த போது அவரை பலாத்காரம் செய்ததாக ஒப்புக்கொண்டார். அதைத்தொடர்ந்து போக்சோ வழக்குப்பதிந்து அஸ்வினை கைது செய்து நீதிமன்றத்தில் ஆஜர்படுத்தி, சிறையில் அடைத்தனர்.

Read more: உடம்பில் சாயம்!! வெயிலில் பட்டினியாக பிச்சை எடுக்கும் பிஞ்சு குழந்தை… நெஞ்சை ரணமாக்கும் வீடியோ…