மக்களே மறந்துறாதீங்க..!! இன்று 5 மாவட்டங்களுக்கு கனமழை எச்சரிக்கை..!!

தமிழ்நாட்டில் வடகிழக்கு பருவமழை காரணமாக பல்வேறு பகுதிகளில் கனமழை வெளுத்து வாங்கி வருகிறது. அத்துடன் மத்திய மேற்கு வங்கக்கடல் பகுதிகளில் நிலவிய காற்றழுத்த தாழ்வு மண்டலம் ஆழ்ந்த காற்றழுத்த தாழ்வு மண்டலமாக வலுப்பெற்றுள்ளது. இந்த காற்றழுத்த தாழ்வு நிலை வடக்கு-வடகிழக்கு திசையில் நகர்ந்து புயலாக வலுப்பெற்று, அதிகாலை வங்கதேச கடற்கரையை மோங்க்லா -கேப்புபாராவிற்கு இடையே கடக்கக்கூடும் எனத் தெரிவிக்கப்பட்டுள்ளது.

இந்நிலையில் இன்று தமிழ்நாடு, புதுச்சேரி மற்றும் காரைக்கால் பகுதிகளில் இடி மின்னலுடன் கூடிய லேசானது முதல் மிதமானது வரை மழை பெய்யக்கூடும் என்றும் அதே நேரத்தில் கன்னியாகுமரி, நெல்லை, தென்காசி, தூத்துக்குடி மற்றும் விருதுநகர் மாவட்டங்களுக்கு கனமழை எச்சரிக்கையும் விடுக்கப்பட்டுள்ளது.