Pension | எல்லாம் திருமணம் வரைக்கும் தான்..!! திருமணத்திற்கு பிறகு உங்கள் மகளுக்கு இதெல்லாம் கிடைக்காது..!!

ஓய்வூதியம் மற்றும் ஓய்வூதியர் நலத்துறை தற்போது ஒரு முக்கிய மாற்றத்தை கொண்டு வந்துள்ளது. அதன்படி, குடும்ப ஓய்வூதிய விதிகளில் சில மாற்றங்கள் செய்யப்பட்டுள்ளது. புதிய விதிகளின்படி, அனைத்து குழந்தைகளுக்கும் 25 வயது வரை குடும்ப ஓய்வூதியம் பெற உரிமை உண்டு. ஆனால், ஒரு குழந்தை ஊனமுற்றிருந்தால், ஓய்வூதியத்தில் அவருக்கு முதல் உரிமை.

அதே நேரத்தில், ஒரு மகள் திருமணம் ஆகும் வரை ஓய்வூதியம் பெற தகுதியுடையவராக கருதப்படுவார். மகள் உடல் ஊனமுற்றவராக இருந்து திருமணம் செய்து கொண்டால், அவருக்கு அவளுக்கு ஓய்வூதியம் கிடைக்காது. அதாவது, திருமணத்திற்குப் பிறகு மகளுக்கு குடும்ப ஓய்வூதியத்தில் எந்த உரிமையும் இல்லை. திருமணமாகாத, விதவை மற்றும் விவாகரத்து செய்யப்பட்ட மகள்களுக்கு 25 வயதுக்கு மேல் கூட குடும்ப ஓய்வூதியம் பெற உரிமை உண்டு.

ஆனால், குடும்பத்தில் உள்ள அனைத்து குழந்தைகளும் 25 வயதுக்கு மேல் இருக்கும் போதுதான் இந்த உரிமை கிடைக்கும். சமீபத்தில் ஓய்வூதியம் மற்றும் ஓய்வூதியம் பெறுவோர் நலத்துறை ஒரு உத்தரவை பிறப்பித்தது. அதில், அரசு ஊழியர் குடும்ப ஓய்வூதியம் பெற தகுதியான குடும்ப உறுப்பினர் பட்டியலில் இருந்து மகளின் பெயரை நீக்க முடியாது என்று தெரிவித்துள்ளது.

இதுதொடர்பான அந்த உத்தரவில், வட்டி செலுத்துவதைத் தவிர்க்க கூடுதல் சாதாரண ஓய்வூதியத்தின் கீழ் பெறப்பட்ட அனைத்து ஓய்வூதிய பலன்களையும் கண்டிப்பாக வழங்குமாறு அமைச்சகங்கள் மற்றும் துறைகள் கேட்டுக் கொள்ளப்பட்டுள்ளன. அரசு ஊழியர் குறிப்பிட்ட படிவத்தில் தகவல் அளித்தால், அந்த மகள் அரசு ஊழியரின் குடும்ப உறுப்பினராகக் கருதப்படுவார். எனவே, குடும்ப உறுப்பினர்களின் விவரங்களில் மகளின் பெயர் இடம்பெறும் என தெரிவிக்கப்பட்டுள்ளது.

Read More : ஒரே நாளில் சவரனுக்கு ரூ.1,320 குறைந்த தங்கம் விலை..!! நகைக்கடைக்கு படையெடுக்கும் மக்கள்..!!