வனப்பகுதியில் மறைந்திருந்த நக்சலைட்டுகள்..!! சுற்றி வளைத்த பாதுகாப்புப் படையினர்..!! என்கவுண்ட்டரில் 7 பேர் சுட்டுக்கொலை..!!
சத்தீஸ்கர் மாநிலம் நாராயண்பூர் மாவட்டத்தில் இன்று பாதுகாப்புப் படையினர் நடத்திய என்கவுண்ட்டரில் குறைந்தது 7 நக்சலைட்டுகள் கொல்லப்பட்டதாக மூத்த போலீஸ் அதிகாரி தெரிவித்துள்ளார். நாராயண்பூர் மாவட்டத்தில் உள்ள அபுஜ்மாத் வனப்பகுதியில் நக்சலைட்டுகளின் நடமாட்டம் இருப்பதாக பாதுகாப்புப் படையினருக்கு தகவல் கிடைத்தது.
இதையடுத்து, அந்த இடத்தை சுற்றி வளைத்து தேடுதல் வேட்டையில் ஈடுபட்டனர். அப்போது, அங்கு மறைந்திருந்த நக்சலைட்டுகளுக்கும், பாதுகாப்புப் படையினருக்கும் துப்பாக்கி சண்டை நடந்தது. இதில், 7 நக்சலைட்டுகள் சுட்டுக் கொல்லப்பட்டனர். மேலும், சில நக்சலைட்டுகள் அப்பகுதியில் பதுங்கியிருக்கலாம் என்ற பாதுகாப்புப் படையினர் சந்தேகிக்கின்றனர்.
இதனால், அந்தப் பகுதியில் தேடுதல் வேட்டையை தீவிரப்படுத்தியுள்ளனர். பாதுகாப்புப் படையினரை தவிர நாராயண்பூர், தண்டேவாடா, பஸ்தார் மற்றும் கொண்டகான் மாவட்டங்களில் இருந்து மாவட்ட ரிசர்வ் காவலர்களும் சம்பவ இடத்திற்கு விரைந்துள்ளதாக அதிகாரி ஒருவர் தகவல் தெரிவித்துள்ளார்.
