மண் பானை தண்ணீர் Vs பிரிட்ஜ் தண்ணீர் - நன்மைகளும்… தீமைகளும்…!

மண் பானை தண்ணீரை குடித்தால் கிடைக்கும் நன்மைகளும், பிரிட்ஜ் தண்ணீரால் ஏற்படும் பிரச்னைகள் குறித்தும் விரிவாக பார்க்கலாம்.

தமிழ்நாட்டில் கோடை வெயில் மண்டையை பிளக்கிறது. இந்த நேரத்தில் எதையாவது ஜில்லுனு குடித்தால்தான் உடலுக்கு நல்ல இதமான சூழல் கிடைக்கிறது. இந்த நிலையில் பெரும்பாலானோர் பிரிட்ஜில் உள்ள நீரையே குடிக்கின்றனர். மேலும் மண் பானைகளை அதிகளவில் யாரும் பயன்படுத்துவதில்லை. எனவே, மண் பானை தண்ணீரை குடிப்பதால் ஏற்படும் நன்மைகள் மற்றும் பிரிஜ்ட் நீரை குடிப்பதால் ஏற்படும் பிரச்னைகள் என்னென்ன? விரிவாக பார்க்கலாம்.

மண் பானை தண்ணீரின் பயன்கள்: மண் பானை நீரில் வைட்டமின்கள் மற்றும் தாதுக்கள் நிறைந்துள்ளன. இது உடலின் குளுக்கோஸ் அளவை பராமரிக்கிறது. மேலும் இது நம் உடலுக்கு மிகவும் பயனுள்ளதாக இருக்கும். இந்த கோடையில் ஃப்ரிட்ஜ் தண்ணீருக்கு பதிலாக மண் பானையில் உள்ள தண்ணீரை குடிப்பது நல்லது. மேலும் மண் பானையில் உள்ள தண்ணீர் குடிப்பதற்கு குளிர்ச்சியாகவும் சுவையாகவும் இருக்கும்.

இந்த தண்ணீரால் வாயு பிரச்சனையும் நீங்கும். இது தவிர, இந்த நீர் இரத்த அழுத்தத்தை ஒழுங்குபடுத்துகிறது. கெட்ட கொலஸ்ட்ராலின் அளவையும் குறைக்கிறது. மண் பானையில் தண்ணீர் வைத்தால் பல நோய்கள் குணமாகும் என்பது உண்மைதான். குறிப்பாக இந்த தண்ணீரை குடித்தால் மூட்டு வலியில் இருந்து நிவாரணம் கிடைக்கும்.

இது தவிர இரத்த சோகை போன்ற கடுமையான நோய்களும் நிவாரணம் பெறுகின்றன. தோல் நோய்களுக்கு இந்த நீர் சிறந்த மருந்தாகும். இந்த மண் பானை தண்ணீரை குடித்து வந்தால், முகத்தில் உள்ள பருக்கள் விரைவில் குணமாகி, முகம் பொலிவாக மாறும்.

இது தவிர, இரும்புச்சத்து குறைபாடு இருந்தால், இந்த தண்ணீரை தொடர்ந்து குடித்து வந்தால் விரைவில் குணமாகும். பானையை காய்ந்து போக விடாமல் பானையைச் சுற்றி தண்ணீரைத் தெளித்துக்கொண்டே இருங்கள். அல்லது ஏதேனும் துணியை எடுத்து பானையை சுற்றி வைத்து பயன்படுத்துவது சிறந்தது.

பிரிட்ஜ் தண்ணீரால் ஏற்படும் பிரச்னைகள்: குளிரூட்டப்பட்ட தண்ணீரை ஒரு போதும் குடிக்க வேண்டாம். அது உங்களுக்கு தீங்கு விளைவிக்கும். இது உங்கள் தொண்டை வீங்கி கரகரப்பாக மாறுகிறது. குளிர்சாதனப் பெட்டியில் வைத்த தண்ணீர் கோடையில் நல்லதல்ல. பலவீனமான நோயெதிர்ப்பு அமைப்பு உள்ளவர்களுக்கு எளிதில் ஆபத்துகளை உருவாக்கும். குளிர்ந்த நீரை குடிப்பதால், நோய் எதிர்ப்பு சக்தி குறைந்தவர்களுக்கு தொண்டை வலி, இருமல் அல்லது ஏதேனும் தொற்று ஏற்படலாம்.

நோய் எதிர்ப்பு சக்தி குறைவாக உள்ளவர்கள் குளிர்ந்த நீரை ஃப்ரிட்ஜில் வைப்பதை தவிர்க்க வேண்டும் என்று நிபுணர்கள் கூறுகின்றனர். அறை வெப்பநிலையில் தண்ணீர் குடிக்க வேண்டும் என்று நிபுணர்கள் கூறுகிறார்கள். அல்லது மண் பானையில் தண்ணீர் குடிக்கலாம். அது உங்களை ஆரோக்கியமாக வைத்திருக்கும். நோயைத் தடுக்கிறது. ஜில் நீரால் ஏற்படும் பிரச்னைகள் : தொண்டை புண், தொண்டை தொற்று, இருமல், காய்ச்சல், தலைவலி, மலச்சிக்கல் பிரச்சனையை ஏற்படுத்தலாம். பலவீனமான நோய் எதிர்ப்பு சக்தி உள்ளவர்களுக்கு எளிதில் நோய்களை ஏற்படுத்தும் ஆபத்து உள்ளது.

Read More: தெலுங்கானா முன்னாள் முதல்வர் KCR-க்கு 48 மணி நேர தடை.!! தேர்தல் ஆணையம் அதிரடி நடவடிக்கை.!!