விவசாயிகளை கோடீஸ்வரர்களாக மாற்றும் மருத்துவ செடிகள்..!! லட்சக்கணக்கில் சம்பாதிக்கலாம்..!!

இயற்கை மற்றும் தனித்துவமான மருத்துவ தாவரங்கள் பலவிதமான நோய்களுக்கு சிகிச்சை அளிப்பதற்கு பயன்படுத்தப்படுகிறது. மேலும் இது விவசாயிகளுக்கு வருவாயை உருவாக்கித் தருகின்றன. இந்த தாவரங்கள் மருந்து, ஒப்பனை பொருட்கள் மற்றும் மருந்துத் துறையில் பயன்படும் மூலப்பொருட்களை வழங்குகின்றன. பிற பாரம்பரிய மற்றும் வணிக பயிர்களுடன் ஒப்பிடும்போது, நறுமணம் மற்றும் மருத்துவ குணம் கொண்ட தாவரங்களை வளர்ப்பதன் மூலம் நல்ல வருவாயை விவசாயிகள் ஈட்ட முடியும் என்பதுதான் உண்மை.

தற்போது வளர்ந்து வரும் விவசாயிகள் இதுபோன்ற தாவர வகைகளை பயிரிடுவதற்கு விரும்புகிறார்கள். கூடுதலாக, இந்திய தேசிய மருத்துவ ஆலை வாரியம் சாகுபடி செய்யும் வெவ்வேறு தாவர இனங்களின் அடிப்படையில் 30% முதல் 75% வரை மானியங்களை வழங்குகிறது. இந்த வணிக யோசனை திட்டத்தில், விவசாயிகளின் வருவாயை அதிகரிக்கும், அவர்களின் வாழ்க்கைத் தரத்தை மேம்படுத்தும் ஐந்து மருத்துவ தாவர சாகுபடிகளைக் குறித்து தற்போது பார்க்கலாம்.

அஸ்வகந்தா : அஸ்வகந்தா செடியின் வேர்கள் இந்தியாவில் 2 முக்கிய பாரம்பரிய மருத்துவமாகப் போற்றப்படும் ஆயுர்வேதம், யுனானி ஆகியவற்றில் பெரிதளவு பயன்படுத்தப்படுகிறது. அஸ்வகந்தா தூள், மாத்திரைகள் ஆகியவை அதன் மதிப்பு கூட்டப்பட்ட தயாரிப்புகள் ஆகும். இலைகள் கருகி உதிர்ந்து போகத் தொடங்கும் போது, அதில் இருக்கும் பழங்கள் மஞ்சள்-சிவப்பு நிறமாக மாறும் போது அறுவடை முதிர்ச்சியடைகிறது.

விதைத்த 150-180 நாட்களுக்குப் பிறகு, இந்த பயிர் அதன் வேர்களுக்காக அறுவடை செய்யப்படுகிறது. இந்த சாகுபடிக்கு ஒரு ஹெக்டேருக்கு சுமார் ரூ.12,000 முதல் 14,000 ரூபாய் வரை செலவாகும். அறுவடைக்கு பின் சுமார் ரூ.60 முதல் 70 லட்சத்திற்கு விற்கப்படுகிறது.

லெமன்கிராஸ் : குறைந்த முதலீடு, அதிக வருவாய் தரும் வணிக முயற்சியை உருவாக்குவதில் நீங்கள் ஆர்வமாக இருந்தால், தைரியமான லெமன்கிராஸ் சாகுபடி செய்யலாம். இது 4 மாதங்களில் வளர்ந்து அறுவடைக்கு தயாராகிறது. அழகுசாதனப் பொருட்கள், சோப்புகள், எண்ணெய்கள், மருந்துகள் உள்ளிட்ட பல்வேறு தயாரிப்புகளுக்கு இது மூலப்பொருளாக உள்ளது. ரூ.20,000 என்ற குறைந்த முதலீட்டில் தொடங்கும் இந்த விவசாயத்தின் மூலம் ஆண்டுக்கு ரூ.4 முதல் ரூ.5 லட்சம் வரை லாபத்தை ஈட்டலாம்.

குல்கைரா : குல்கைரா சாகுபடி என்பது ஒரு புதுமையான முயற்சியாகும். இது இழப்புகளை நீக்குவது மட்டுமின்றி, லாபகரமான வருமானத்தையும் உறுதி செய்கிறது. வழக்கமான பயிர்களுக்கு இடையில் ஊடுபயிராக குல்கைராவை விதைப்பதன் மூலம், நீங்கள் ஒரு நல்ல வருவாயைப் பெற முடியும். இதன் பூக்கள், இலைகள், தண்டுகள் மற்றும் விதைகளில் ஆகியவை சந்தையில் நல்ல மதிப்பை பெற்றுள்ளன. இதன் மூலம் ஏக்கருக்கு ரூ.30,000 முதல் ரூ.40,000 வரை வருவாய் ஈட்ட முடியும்.

ஜெரேனியம் : ஜெரேனியத்தை நாம் குறைந்த செலவில் வளர்க்க முடியும். ஜெரேனியம் செடியில் இருந்து கிடைக்கும் பூக்களைக் கொண்டு எண்ணெய் உற்பத்தி செய்யப்படுகிறது. இது அரோமாதெரபி, அழகு சாதனப் பொருட்கள், வாசனை திரவியங்கள் மற்றும் வாசனை சோப்புகளில் பயன்படுத்தப்படுகிறது. ஊடுபயிராகவும் இதை பயிரிடலாம். 3 முதல் 4 மாதங்களுக்கு ஒருமுறை இதை அறுவடை செய்யலாம். ஒரு லிட்டர் ஜெரேனியம் எண்ணெய் சந்தையில் ரூ.20,000 வரை மதிப்பைக் கொண்டுள்ளது.

சதாவரி : அஸ்பாரகஸ் வகையில் உள்ள மூலிகைத் தாவரமான சதாவரி, விவசாயிகளுக்கு நிலையான வருமானத்திற்கான கதவுகளை கொண்டுள்ளது. இது ஆயுர்வேத சிகிச்சையில் பயன்படுத்தப்பட்டு வருகிறது. தாவரத்தின் உலர்ந்த வேர்கள் மருந்துகளை உருவாக்க பயன்படுத்தப்படுகின்றன. ஒரு ஏக்கர் சதாவரி சாகுபடியின் மூலம் ரூ.6 லட்சம் வரை வருவாயை ஈட்ட முடியும்.