தினமும் வெறும் ரூ. 45 சேமித்தால் ரூ.25 லட்சம் கிடைக்கும்.. LIC-ன் அசத்தல் திட்டம் பற்றி தெரியுமா?

ஒவ்வொருவரும் தங்கள் எதிர்காலத்திற்காக பணத்தை சேமிக்க வேண்டும் என்றே அனைவரும் விரும்புகின்றனர். அந்த வகையில் சிறிய தொகை முதலீடு செய்தால் அதிக தொகையை வழங்கும் திட்டத்தில் முதலீடு செய்ய விரும்புகின்றனர்.

இந்த நிலையில், நாட்டின் மிகப்பெரிய காப்பீட்டு நிறுவனமான லைஃப் இன்சூரன்ஸ் கார்ப்பரேஷன் ஆஃப் இந்தியா, அதாவது எல்.ஐ.சி.யின் சேமிப்பு திட்டங்கள் பாதுகாப்பு மற்றும் வருமானம் ஆகிய இரண்டிலும் மிகவும் பிரபலமாக உள்ளன. அனைத்து வயதினருக்கும் ஏற்ற வகையில் எல்ஐசியில் பாலிசிகள் கிடைக்கின்றன.

அத்தகைய திட்டங்களில் ஒன்று எல்ஐசியின் ஜீவன் ஆனந்த் பாலிசி ஆகும், இதில் நீங்கள் ஒரு நாளைக்கு 45 ரூபாய் சேமிப்பதன் மூலம் 25 லட்சம் ரூபாய் பெற முடியும். இதுகுறித்து விரிவாக பார்க்கலாம்..

குறைந்த பிரீமியத்தில் அதிக நிதி

குறைந்த பிரீமியத்தில் உங்களுக்காக அதிக நிதியை திரட்ட விரும்பினால், ஜீவன் ஆனந்த் பாலிசி ஒரு சிறந்த தேர்வாக இருக்கும். ஒரு வகையில் இது ஒரு டெர்ம் பாலிசி போன்றதுதான். உங்கள் பாலிசி காலகட்டத்திற்கு பிரீமியத்தை செலுத்தலாம்.

இந்தத் திட்டத்தில், பாலிசிதாரர் ஒன்றல்ல பல முதிர்வுப் பலன்களைப் பெறுகிறார். எல்ஐசியின் இந்தத் திட்டத்தில், காப்பீட்டுத் தொகை குறைந்தபட்சம் ரூ. 1 லட்சம் ஆகும், அதிகபட்ச வரம்பு எதுவும் நிர்ணயிக்கப்படவில்லை.

45 ரூபாயில் இருந்து 25 லட்சம் சம்பாதிப்பது எப்படி?

எல்ஐசி ஜீவன் ஆனந்த் பாலிசியில், ஒவ்வொரு மாதமும் சுமார் ரூ.1358 டெபாசிட் செய்வதன் மூலம் ரூ.25 லட்சத்தைப் பெறலாம். தினசரி அடிப்படையில் பார்த்தால், தினமும் 45 ரூபாய் சேமிக்க வேண்டும். இந்த சேமிப்பை நீண்ட காலத்திற்கு நீங்கள் செய்ய வேண்டும்.

இந்த பாலிசியின் கீழ், ஒரு நாளைக்கு 45 ரூபாய் என, 35 வருடங்கள் முதலீடு செய்தால், இந்தத் திட்டத்தின் முதிர்ச்சிக்குப் பிறகு, உங்களுக்கு ரூ.25 லட்சம் கிடைக்கும். ஆண்டு அடிப்படையில் மொத்தம் ரூ.16,300 ரூபாய் சேமித்திருப்பிருப்பீர்கள்.

35 ஆண்டுகளுக்கு இந்த எல்ஐசி பாலிசியில் ஒவ்வொரு ஆண்டும் ரூ.16,300 முதலீடு செய்தால், மொத்த வைப்புத் தொகையாக ரூ.5,70,500 முதலீடு செய்வீர்கள். இப்போது பாலிசி காலத்தின்படி, அடிப்படைக் காப்பீட்டுத் தொகை ரூ. 5 லட்சமாக இருக்கும்.

இதனுடன் முதிர்வு காலத்திற்குப் பிறகு, இந்தத் தொகையைச் சேர்ப்பதன் மூலம் ரூ. 8.60 லட்சம் மறுசீரமைப்பு போனஸும், ரூ.11.50 லட்சத்திற்கான இறுதி போனஸும் வழங்கப்படும். எல்ஐசியின் ஜீவன் ஆனந்த் பாலிசியில் போனஸ் இரண்டு முறை வழங்கப்படுகிறது, ஆனால் இதற்கு உங்கள் பாலிசி 15 வருடங்களாக இருக்க வேண்டும்.

வரி விலக்கு இல்லை

இந்த எல்ஐசி பாலிசியில் பாலிசிதாரருக்கு வரி விலக்கின் பலன் கிடைக்காது என்பதை கவனிக்க வேண்டியது அவசியம். இருப்பினும், இது தவிர, பல வகையான நன்மைகள் கிடைக்கின்றன. ஜீவன் ஆனந்த் பாலிசியில் 4 வகையான காப்பீடுகள் இருக்கின்றன.

விபத்து மரணம் மற்றும் ஊனம், விபத்து பலன், புதிய டேர்ம் இன்சூரன்ஸ் காப்பீடு மற்றும் புதிய கிரிட்டிகல் பெனிபிட் ஆகியவை இதில் அடங்கும். இந்த பாலிசியில் இறப்பு பலனும் சேர்க்கப்பட்டுள்ளது.

அதாவது, பாலிசிதாரர் இறந்தால், நாமினி பாலிசியின் 125 சதவீத இறப்பு பலனைப் பெறுவார். அதே நேரத்தில், பாலிசி முதிர்ச்சியடைவதற்கு முன்பே பாலிசிதாரர் இறந்துவிட்டால், நாமினிக்கு உறுதி செய்யப்பட்ட நேரத்திற்கு சமமான பணம் கிடைக்கும்.

Read More : மூத்த குடிமக்கள் ஒவ்வொரு மாதமும் ரூ.50,000 ஓய்வூதியம் பெறலாம்.. எப்படி தெரியுமா?