வருமான வரிக் கணக்கை தாமதமாக செலுத்தினால் எவ்வளவு அபாராதம்..? கடைசி தேதி என்ன..?

வருமான வரிக் கணக்கை தாக்கல் செய்ய கடைசி தேதி நிர்ணயிக்கப்பட்டுள்ள நிலையில், அதற்குள் செலுத்தாவிட்டால், அதிக அபராதம் செலுத்த வேண்டியிருக்கும்.

மாதச் சம்பளம் பெறும் நபர்கள் அல்லது பிற வரி செலுத்துவோர் தங்களது வருமான வரிக் கணக்குகளை ஜூலை 31, 2024-க்குள் தாக்கல் செய்ய வேண்டும். கணக்குகள் தணிக்கை செய்யப்பட வேண்டும். தணிக்கை செய்யப்பட வேண்டிய கணக்குகளை அக்டோபர் 31ஆம் தேதிக்குள் தாக்கல் செய்ய வேண்டும். பிரிவு 92இ கீழ் அறிக்கை தாக்கல் செய்ய வேண்டிய வரி செலுத்துவோர் நவம்பர் 30-க்குள் தங்களது வருமான வரிக் கணக்கை தாக்கல் செய்ய வேண்டும். அனைத்து வரி செலுத்துவோருக்கும் தாமதமாக ஐடிஆர் தாக்கல் செய்வதற்கான காலக்கெடு டிசம்பர் 31 என நிர்ணயிக்கப்பட்டுள்ளது.

குறிப்பிட்ட தேதிக்குள் வருமான வரிக் கணக்கு தாக்கல் செய்யாதவர்களுக்கு அபராதம் விதிக்கப்படுகிறது. இது மட்டுமின்றி, வரி செலுத்துவோர் கட்டணம் அல்லது அபராதம் செலுத்துவதைத் தவிர, மற்ற வரிச் சலுகைகளையும் இழக்கின்றனர். நிலுவைத் தேதிக்குப் பிறகு ஐடிஆர் தாக்கல் செய்யலாம் என்றாலும், அபராதம் செலுத்த வேண்டும். வருமான வரிச் சட்டம் 1961 பிரிவு 234எஃப் கீழ் ஐடிஆர் நிலுவைத் தேதிக்குப் பிறகு தாக்கல் செய்யப்பட்டால் அபராதம் விதிக்கப்படும்.

தற்போது தாமதமாக ஐடிஆர் தாக்கல் செய்தால் ரூ.5,000 அபராதம் விதிக்கப்படுகிறது. ரூ.5 லட்சத்திற்கும் குறைவான வருமானம் உள்ள வரி செலுத்துவோர் ரூ.1,000 அபராதம் செலுத்த வேண்டும். 234ஏ பிரிவின் கீழ் அபராதத்திற்கும் வட்டி விதிக்கப்படலாம். முன்கூட்டியே வரி செலுத்துவதில் தாமதம் என்றால், அந்த தாமதத்திற்கான வரி மீதும் அபராதம் விதிக்கப்படலாம். 234ஏ பிரிவின் கீழ் அபராத வட்டி மாதத்திற்கு ஒரு சதவீதம் ஆகும்.

Read More : BIG BREAKING | கூட்டத்தொடர் முழுவதும் அதிமுக உறுப்பினர்கள் சஸ்பெண்ட்..!! சபாநாயகர் அதிரடி உத்தரவு..!!