வயநாடை அடுத்து குண்டூர்!. நிலச்சரிவில் 9 பேர் பலி!. தொடர் நிலச்சரிவுகள் ஏற்படுவதால் அச்சம்!

Landslide: இந்தியாவின் தென் கடலோர மாநிலத்தின் வயநாடு பகுதியில் ஜூலை 30 அன்று ஏற்பட்ட நிலச்சரிவு, 2018 க்குப் பிறகு ஏற்பட்ட மிக மோசமான பேரழிவாகும், நிலச்சரிவின்போது ஏற்பட்ட வெள்ளம் 400 க்கும் மேற்பட்டவர்களை பலி கொண்டது. இந்தநிலையில், ஆந்திரப் பிரதேசத்தின் விஜயவாடா நகரில் பெய்த கனமழையால் ஏற்பட்ட நிலச்சரிவில் சிக்கி 9 பேர் உயிரிழந்தனர், மேலும் அவர்கள் பயணம் செய்த கார் குண்டூர் மாவட்டத்தில் சனிக்கிழமையன்று ஓடையில் அடித்துச் செல்லப்பட்டதில் மேலும் மூன்று பேர் இறந்தனர்.

மொகுல்ராஜபுரம் காலனியின் சுன்னப்புபட்டி மையத்தில் காலை 7.15 மணியளவில் விஜயவாடாவின் மையப்பகுதியில் உள்ள ஒரு குன்றின் மீது நிலச்சரிவு ஏற்பட்டது. மலையில் இருந்து உருண்டு வந்த பாறைகள் வீடுகள் மீது மோதின. இதில் 4 பேர் பலியாகினர் என்று விஜயவாடா காவல் ஆணையரகத்தின் மூத்த காவல்துறை அதிகாரி ஒருவர் தெரிவித்தார்.

விஜயவாடா நகராட்சி ஆணையர் எச்.எம்.தியானசந்திரா கூறுகையில், மொகல்ராஜபுரத்தில் ஏற்பட்ட நிலச்சரிவில் சிக்கி 5 பேர் உயிரிழந்துள்ளனர். தகவலறிந்த போலீசார், வருவாய்த்துறையினருடன் சம்பவ இடத்திற்கு விரைந்து வந்து மீட்பு பணியில் ஈடுபட்டனர். "இருப்பினும், கனமழை விரைவான மீட்புப் பணிகளுக்கு இடையூறாக இருந்தது. பாதிக்கப்பட்ட வீடுகள் மலைகளுக்கு அருகிலேயே அமைந்திருந்ததால், மேலும் நிலச்சரிவுகள் ஏற்பட வாய்ப்புகள் உள்ளன" என்று அதிகாரி கூறினார்.

இச்சம்பவம் குறித்து முதல்வர் சந்திரபாபு நாயுடு இரங்கல் தெரிவித்ததுடன், உயிரிழந்தவர்களின் குடும்பங்களுக்கு தலா 5 லட்சம் ரூபாய் இழப்பீடு வழங்குவதாக அதிகாரப்பூர்வ அறிக்கை தெரிவித்துள்ளது. மலையை ஒட்டிய பகுதிகளில் உள்ள மக்களை பாதுகாப்பான இடங்களுக்கு மாற்றுமாறு அதிகாரிகளை அவர் கேட்டுக் கொண்டார்.

Readmore: ஆசியாவின் ‘கோடீஸ்வர தலைநகரமாக’ உருவெடுத்த மும்பை..!! இந்தியாவில் இத்தனை பணக்காரர்களா..?