குட்நியூஸ்!. குழந்தைகளின் எதிர்கால பாதுகாப்புக்கு வாத்சல்யா என்ற புதிய ஓய்வூதியத் திட்டம்!. நாளை நிர்மலா சீதாராமன் தொடங்கி வைக்கிறார்!

'Vatsalya': பள்ளிக் குழந்தைகளும் பங்கேற்கும் வகையில் 'வாத்சல்யா' என்ற புதிய ஓய்வூதியத் திட்டத்தை நிதியமைச்சர் நிர்மலா சீதாராமன் நாளை தொடங்கி வைக்க உள்ளார்.

மத்திய பட்ஜெட் 2024 இல் அறிவிக்கப்பட்ட இந்தத் திட்டம், பெற்றோர்கள் தங்கள் குழந்தைகளின் எதிர்காலத்தைப் பாதுகாப்பதற்கும், ஓய்வூதிய நிதியை உருவாக்குவதற்கும் தங்கள் குழந்தைகளின் சார்பாக ஒரு குறிப்பிட்ட தொகையை NPSக்கு வழங்க அனுமதிக்கும். புது தில்லியில் தொடங்கும் ஒரு பகுதியாக, NPS வாத்சல்யா நிகழ்வுகள் நாடு முழுவதும் கிட்டத்தட்ட 75 இடங்களில் ஒரே நேரத்தில் ஏற்பாடு செய்யப்படும் என்று நிதி அமைச்சகம் தெரிவித்துள்ளது. நிதியமைச்சர் NPS 'வாத்சல்யா' திட்டத்துக்கு சந்தா செலுத்துவதற்கான ஆன்லைன் தளத்தையும் தொடங்கி வைக்கவுள்ளார். மேலும் இந்தத் திட்டத்தில் விண்ணப்பிக்கும் மைனர் குழந்தைகளுக்கு நிரந்தர ஓய்வூதிய கணக்கு எண் (PRAN) கொண்ட கார்டையும் நிர்மலா சீதாராமன் வழங்க உள்ளார்.

குழந்தைகள் மேஜர் ஆனவுடன், குழந்தையின் கணக்கு வழக்கமான NPS கணக்காக மாற்றப்படும். பெற்றோர்கள் மாதந்தோறும் 500 ரூபாய் அல்லது வருடாந்திர பங்களிப்பாக 6,000 ரூபாயுடன் தொடங்கலாம். NPS வாத்சல்யா திட்டத்தின் கீழ், பெற்றோர்கள் தங்கள் குழந்தையின் பெயரில் ஆண்டுதோறும் ரூ 1,000 முதலீடு செய்ய அனுமதிக்கப்படுகிறார்கள். இது அனைத்து பொருளாதார பின்னணியில் உள்ள குடும்பங்களுக்கும் முதலீடு செய்ய ஏற்றதாக இருக்கும். குழந்தைகளின் நிதி எதிர்காலத்தைப் பாதுகாப்பதற்காக ஆரம்பத்திலேயே முதலீடு செய்ய வேண்டும். இந்தத் திட்டம் PFRDA அமைப்பின் கீழ் இயங்குகிறது.

எதிர்காலத்தில் குழந்தைகளுக்கு நிதி சுதந்திரம் வழங்குவதற்காக இந்தத் திட்டம் வடிவமைக்கப்பட்டுள்ளது. குழந்தைகளுக்கான NPS திட்டத்தில் "Annuity" கட்டுப்பாடு இருக்காது என்றும் கூறப்படுகிறது. NPS வாத்சல்யாவிற்கு யார் தகுதியானவர்?: இந்தியக் குடிமக்கள், NRI-கள் அல்லது OCI-கள் என அனைத்துப் பெற்றோர்களும் பாதுகாவலர்களும் தங்கள் மைனர் குழந்தைகளுக்காக NPS வாத்சல்யா கணக்கைத் தொடங்கத் தகுதியுடையவர்கள்.

Readmore: நிபா வைரஸால் மாணவர் பலி!. கேரளாவில் பள்ளி, கல்லூரிகள் மூடல்!. காலவரையின்றி விடுமுறை அறிவிப்பு!