Fastag மோசடிகள் எச்சரிக்கை!… ஜன.31க்குள் எல்லாத்தையும் செக் பண்ணுங்க!… என்ன செய்ய வேண்டும்?

தேசிய நெடுஞ்சாலைகளில் உள்ள சுங்கச் சாவடிகளில் டிஜிட்டல் முறையில் வரி செலுத்த ஃபாஸ்டாக் (Fastag) பயன்படுத்தப்படுகிறது. இந்த மின்னணு கட்டண வசூல் முறையை இந்திய தேசிய நெடுஞ்சாலைகள் ஆணையம் (NHAI) அமல்படுத்தியுள்ளது. ஃபாஸ்டாக் வசதியைப் பொருத்தவும் ரீசார்ஜ் செய்யவும் பல வசதிகள் உள்ளன. அதற்கான வசதி பல டிஜிட்டல் தளங்களில் உள்ளது. இதுபோன்ற சூழ்நிலையில் பல நேரங்களில் மக்கள் மோசடிக்கு ஆளாகின்றனர். நமக்கே தெரியாமல் நம்முடைய கணக்கில் இருந்து பணத்தை திருடிவிடுகின்றனர்.

இந்த ஜனவரி 31ஆம் தேதிக்கு முன் ஃபாஸ்டாக்கில் கேஒய்சி சரிபார்ப்பை முடிக்க வேண்டியது அவசியம். கேஒய்சி சரிபார்ப்பு செய்யும் போது நீங்கள் எந்த மோசடிக்கும் ஆளாகவில்லை என்பதை உறுதிப்படுத்திக் கொள்ளுங்கள். ஏனெனில், சமீப நாட்களில் ஃபாஸ்டாக் மோசடி மூலம் பலர் தங்கள் வங்கிக் கணக்கில் உள்ள பணத்தை இழந்துள்ளனர்.

ஃபாஸ்டாக் மோசடியில் நீங்கள் சிக்காமல் இருக்க சில முக்கியமான விஷயங்களை கடைபிடிக்க வேண்டும். இல்லாவிட்டால் உங்கள் கணக்கில் உள்ள பணம் அனைத்தும் காணாமல் போகும். அந்த முக்கியமான விஷயங்கள் என்ன என்று இங்கே பார்க்கலாம். டிஜிட்டல் சேவைகளுக்கான வாடிக்கையாளர் ஆதரவைத் தொடர்புகொள்வதற்கு முன் எச்சரிக்கையாக இருக்க வேண்டும். கூகுள் தேடலில் காணப்படும் வாடிக்கையாளர் ஆதரவு எண்களைத் தொடர்பு கொள்ள வேண்டாம். உங்கள் போனில் பெறப்பட்ட OTP நம்பரை யாருடனும் பகிர வேண்டாம். கேஒய்சி சரிபார்ப்புக்கான செய்திக்கு உடனடியாக பதிலளிக்க வேண்டாம். எந்த வகையான இணைப்பையும் கிளிக் செய்ய வேண்டாம். ஏதேனும் மோசடி நடந்தால் உடனடியாக சைபர் துறைக்கு புகார் அளிக்க வேண்டும்.

ஏதேனும் ஆன்லைன் மோசடி நடந்திருந்தால் 1930 என்ற எண்ணிற்கு உடனடியாக அழைத்து புகார் செய்யலாம். அதேசமயம், சைபர் கிரைம் பற்றிய அதிகாரப்பூர்வ இணையதளத்தைப் பார்வையிடுவதன் மூலமும் நீங்கள் புகார் அளிக்கலாம்.