FAME II விதிமுறை மீறல் வழக்கு.!! ஹீரோ எலக்ட்ரிக், ஓகினோவா ஆட்டோடெக் நிறுவனங்களை விடுவித்த மத்திய அரசு.!!
FAME II திட்டத்தின் கீழ் மானியங்கள் தவறாகப் பயன்படுத்தியதாக ஒகினாவா ஆட்டோடெக் மற்றும் ஹீரோ எலக்ட்ரிக் நிறுவனங்களின் மீது குற்றம் சாட்டப்பட்டிருக்கிறது. இறக்குமதி செய்யப்பட்ட உதிரிபாகங்களைப் பயன்படுத்துவதைத் தடுக்கும் PMP விதிமுறைகளை இந்த நிறுவனங்கள் மீறியதாக கனரகத் தொழில்கள் அமைச்சகம் தெரிவித்துள்ளது. இந்த விதிமுறை மீறல்களுக்காக ஒகினாவா ஆட்டோடெக் நிறுவனத்திடம் இருந்து ரூ. 116 கோடி மற்றும் ஹீரோ எலக்ட்ரிக் நிறுவனத்திடம் இருந்து ரூ. 133 கோடி என மொத்தமாக ரூ.249 கோடியை அரசுக்கு செலுத்த வேண்டும் என கனரக வாகன அமைச்சகம் கோரியது.
FAME II திட்டத்தின் வழிகாட்டுதல்களை மீறியதாக இருசக்கர வாகனங்களின் ஒரிஜினல் உதிரி பாகங்களை தயாரிக்கும் இரண்டு பெரிய நிறுவனங்களான ஒகினாவா ஆட்டோடெக் மற்றும் ஹீரோ எலக்ட்ரிக் நிறுவனங்களை வழக்கிலிருந்து விடுவித்துள்ளதாக அரசாங்க வட்டாரங்கள் பிசினஸ் டுடே தொலைக்காட்சியிடம் தெரிவித்துள்ளன. மேலும் அந்த இரண்டு நிறுவனங்களும் விதிமுறை மீறல்களில் ஈடுபடவில்லை என அறிக்கை அரசாங்கத்திடம் சமர்ப்பிக்கப்பட்டுள்ளது.
இரண்டு நிறுவனங்களின் முறைகேடுகள் குறித்த விரிவான ஆய்விற்குப் பிறகு அமைச்சக குழு தங்களது அறிக்கையை சமர்ப்பித்திருக்கிறது. அரசு மானியங்களை முறைகேடாக பயன்படுத்தியதாக அரசாங்கத்தின் பார்வையின் கீழ் உள்ள இரு சக்கர வாகன உற்பத்தியாளர்களுக்கு இது மிகப்பெரிய நிவாரணமாக அமைந்திருக்கிறது.
முன்னதாக, கனரக தொழில்துறை அமைச்சகம் FAME-II திட்டத்தின் கீழ் மானியங்கள் தவறாகப் பயன்படுத்தப்பட்டதாகக் குற்றம் சாட்டியது. மேலும் PMP வழிகாட்டுதல்களை மீறியதற்காக ஒகினாவா ஆட்டோடெக் (ரூ. 116 கோடி) மற்றும் ஹீரோ எலக்ட்ரிக் (ரூ. 133 கோடி) ஆகியவற்றிடம் இருந்து மொத்தம் ரூ.249 கோடி கோரியது. மின்சார வாகனங்கள் தயாரிப்பில் இறக்குமதி செய்யப்பட்ட உதிரிபாகங்களைப் பயன்படுத்துவதைத் தடுக்க இந்த நடவடிக்கைகள் மேற்கொள்ளப்பட்டுள்ளது.
அரசு வழங்கும் மானியங்கள் தொடர்பான புகார்களை விசாரிப்பதற்காக அமைச்சகம் கடந்த ஏப்ரல் மாதம் விசாரணையைத் தொடங்கியது. இதையடுத்து விசாரணையின் ரகசிய அறிக்கை கடந்த டிசம்பர் மாதம் சமர்ப்பிக்கப்பட்டது.
பிசினஸ் டுடே டிவி இந்த அறிக்கையை ஆய்வு செய்து அதன் தகவல்களை வெளியிட்டு இருக்கிறது. அந்த தகவல்களின்படி இந்திய ஆட்டோமோட்டிவ் ரிசர்ச் அசோசியேஷன் ஆஃப் இந்தியா மே 13, 2022 டிவியில் வெளியிட்ட ஆய்வறிக்கையில் ஹீரோ எலக்ட்ரிக் வெஹிக்கிள்ஸ் பிரைவேட் லிமிடெட் பயன்படுத்தும் பாகங்கள் உள்நாட்டில் பெறப்பட்டவை அல்லது அசெம்பிள் செய்யப்பட்டவை என தெரிவித்துள்ளது. மேலும் பிஎம்பி விதிமுறை மீறல்கள் எதுவும் இடம்பெறவில்லை எனவும் கூறியிருக்கிறது. இதே போல சர்வதேச தானியங்கி தொழில்நுட்ப மையம் மற்றும் ஏஆர்ஏஐ இணைந்து ஆகஸ்ட் 8, 2022 அன்று சமர்ப்பித்த அறிக்கையில் ஒகினாவா ஆட்டோடெக் மே 31, 2022 க்குள் உள்நாட்டில் தயாரிக்கப்பட்ட பாகங்களை பயன்படுத்தியதாக தெரிவித்துள்ளது.
ஃபேம் 2 கொள்கை அறிவிப்புகள் மற்றும் பிஎம்பி வழிகாட்டுதல்களில் உள்நாட்டுமயமாக்கல் பற்றிய விளக்கமின்மையை இந்த அறிக்கை சுட்டிக்காட்டுகிறது. இது கனரக தொழில்துறை அமைச்சகம் மற்றும் பங்குதாரர்களிடையே குழப்பத்தை ஏற்படுத்தியது. இந்த குழுவானது ஃபேம் 2 தொடர்பான தெளிவற்ற மற்றும் முரண்பாடான அறிவிப்புகள் மற்றும் வழிகாட்டுதல்களை வெளியிடுவதற்கு அமைச்சகத்தின் வாகனப் பிரிவின் பொறுப்பை ஏற்றது, இதன் விளைவாக OEMகள் மற்றும் சோதனை முகவர்களிடையே குழப்பம் ஏற்பட்டது.
கூடுதலாக, டிசம்பர் 2023 இல் ICAT இலிருந்து ஒரு மின்னஞ்சலை மேற்கோள் காட்டிய குழு, பாகங்கள் நேரடியாக இறக்குமதி செய்யப்பட்டதா அல்லது இறக்குமதி செய்யப்பட்ட அல்லது உள்நாட்டு உதிரிபாகங்களைப் பயன்படுத்தி உள்நாட்டிலேயே தயாரிக்கப்பட்டதா மற்றும் அசெம்பிள் செய்யப்பட்டதா என்பதைத் தீர்மானிக்க காட்சி ஆய்வு மட்டும் போதுமானதாக இல்லை என்று கூறியது.