தீபாவளி பண்டிகை..!! அனைத்து கல்வி நிலையங்களுக்கும் நாளை அரை நாள் விடுமுறை..!! தமிழ்நாடு அரசு அறிவிப்பு..!!
தீபாவளி பண்டிகையை முன்னிட்டு பள்ளி, கல்லூரிகள் உள்ளிட்ட அனைத்து கல்வி நிலையங்களுக்கும் நாளை (அக்.30) அரை நாள் விடுமுறை அளிக்கப்படுவதாக தமிழ்நாடு அரசு அறிவித்துள்ளது.
இதுதொடர்பாக தமிழ்நாடு அரசு வெளியிட்டுள்ள அறிவிப்பில், ”நடப்பாண்டுக்கான தீபாவளி பண்டிகை வரும் 31ஆம் தேதி வியாழக்கிழமை அன்று கொண்டாடப்படுகிறது. இதையடுத்து, தீபாவளிக்கு மறுநாளும் அரசு விடுமுறை அளிக்க வேண்டும் என்று அரசு ஊழியர்களும், மாணவர்களும் கோரிக்கை விடுத்தனர்.
சொந்த ஊர்களுக்குச் சென்று வர ஏதுவாக இந்த விடுமுறை இருக்கும் என்றும் அவர்கள் தெரிவித்திருந்தனர். அதன்படி, தமிழ்நாடு முழுவதும் அனைத்து அரசு அலுவலகங்கள், பள்ளிகள், கல்லூரிகள் மற்றும் அரசு நிறுவனங்களுக்கு நவம்பர் 1ஆம் தேதி விடுமுறை அறிவிக்கப்பட்டது.
இந்தநிலையில், தமிழ்நாட்டில் தீபாவளி பண்டிகையை முன்னிட்டு பள்ளிகள், கல்லூரிகள் மற்றும் கல்வி நிறுவனங்கள் நாளை (30.10.2024) முற்பகல் மட்டும் செயல்படும் என்றும் பிற்பகல் அரை நாள் விடுமுறை என தமிழ்நாடு அரசு அதிகாரப்பூர்வமாக அறிவித்துள்ளது. இதனால், மாணவர்கள் மகிழ்ச்சியில் உள்ளனர்.