ரயில் டிக்கெட்டுகளை ரத்து செய்கிறீர்களா?…. இந்த விதிகளை மறந்துடாதீர்கள்!… பணம் திரும்ப கிடைக்குமா? கிடைக்காதா?
இந்திய இரயில்வே உணவு மற்றும் சுற்றுலா கழகம் (IRCTC) இந்தியாவில் ரயில் டிக்கெட்களை புக் செய்ய உதவும் முக்கியமான சேவையாக இருந்து வருகிறது. இந்த ஆப் மூலம் ரயில் டிக்கெட்களை எளிதாக புக் மற்றும் கேன்சல் செய்து கொள்ளலாம். மேலும், ரயில் டிக்கெட்களை ரத்து செய்யும் போது அதற்கான விதிகள் மற்றும் வழிகாட்டுதல்களை கவனமாக பார்த்து கொள்ள வேண்டும். ரயில்வேயின் விதிகளை அறிந்து கொண்டு டிக்கெட் ரத்து செய்யும் செயல்முறையை கையாள்வது நல்லது.
இணையத்தில் பதிவு செய்த உறுதிசெய்யப்பட்ட டிக்கெட்டுகளுக்கான ரத்து செய்தால் அதற்கான கட்டணங்கள் அந்த டிக்கெட்டின் வகுப்பு மற்றும் ரத்து செய்யப்பட்ட நேரத்தின் அடிப்படையில் மாறுபடும் என்பதை நினைவில் கொள்ளுங்கள். ரயில் புறப்படுவதற்கு 48 மணிநேரத்திற்கு முன்பு ரத்துசெய்யப்பட்டால், எடுத்துக்காட்டாக இரண்டாம் வகுப்புக்கு ரூ.60, ஏசி 2 டயர்/முதல் வகுப்புக்கு ரூ.200, ஏசி 3 டயர்/ஏசி நாற்காலி கார்/ஏசி 3 எகானமிக்கு ரூ.180, ஸ்லீப்பர் வகுப்பிற்கு ரூ.120 மற்றும் ஏசி முதல் வகுப்புக்கு ரூ.240 என கட்டணம் வசூலிக்கப்படும். ரயில் புறப்படுவதற்கு 4 மணி நேரம் முன்னதாக ஆன்லைனில் புக் செய்யப்பட்ட டிக்கெட் ரத்து செய்யப்பட்டால் முன்பதிவு டிக்கெட்டுகளுக்கு கட்டணம் திரும்பப் பெற முடியாது.
ரயில் புறப்படுவதற்கு 48 மணி நேரம் முதல் 12 மணிநேரங்களுக்குள் ரத்து செய்யப்பட்டால், அதிக மதிப்பு அல்லது குறைந்தபட்ச பிளாட் ரேட்டைக் கருத்தில் கொண்டு, டிக்கெட் கட்டணத்தில் 25% முதல் 50% வரை கட்டணம் வசூலிக்கப்படும். அதாவது, டிக்கெட் கட்டணத்தில் ஒரு சதவீதத்தை ரத்து செய்யும் கட்டணமாகப் பயணிகளிடம் இருந்து, இந்திய ரயில்வே வசூலிக்கப்படும். இந்த பொருந்தக்கூடிய கட்டணமானது எந்த தொகை அதிகமாக இருக்கும் என்பதன் மூலம் தீர்மானிக்கப்படும் அல்லது குறைந்தபட்ச கட்டணத்திற்கு சமமாக இருக்கலாம்.
ரயில் புறப்படுவதற்கு சில மணி நேரங்களுக்கு முன்பு வழக்கமாக தயார் செய்யப்படும் ரயிலின் பயணிகள் சார்ட் தயாரித்த பிறகு, இணையத்தில் எடுக்கப்பட்ட டிக்கெட்டுகளை ரத்து செய்ய முடியாது. இதுபோன்ற சூழ்நிலைகளில், IRCTC செயலி மூலம் ஆன்லைன் டிக்கெட் டெபாசிட் ரசீது (TDR) நடைமுறையைத் மேற்கொள்ளுமாறு பயணிகள் அறிவுறுத்தப்படுகிறார்கள். உறுதிப்படுத்தப்பட்ட முன்பதிவு டிக்கெட் ரத்து செய்யப்படாவிட்டாலோ அல்லது ரயில் புறப்படுவதற்கு நான்கு மணிநேரத்திற்கு முன்பு ஆன்லைனில் TDR தாக்கல் செய்யப்படாவிட்டாலோ, பணத்தைத் திரும்பப்பெற முடியாது.
IRCTC ஆனது ரத்து செய்யப்பட்ட டிக்கெட்டுகளுக்கான பணத்தைத் திரும்பப்பெற வெவ்வேறு செயல்முறைகளை மேற்கொள்கிறது. பயணிகள் சார்ட் ரெடியாவதற்கு முன் அல்லது பயணிகள் சார்ட் ரெடியாவதற்கு பின் என்று ரத்து தொடர்பான காலவரிசையை வரையறுக்கின்றன. பொதுவாக 5 முதல் 7 வேலை நாட்களுக்குள், பணம் உங்களுக்கு வந்து சேரலாம். இருப்பினும், முன்பதிவு செயல்முறையின் போது பயன்படுத்தப்படும் கட்டண முறையின் அடிப்படையில் காலக்கெடு மாறுபடலாம். இந்த செயல்முறை பணத்தைத் திரும்பப்பெறும் முறையை ஒழுங்குபடுத்துவதை நோக்கமாகக் கொண்டுள்ளது. இது பயணிகள் நியாயமான காலக்கெடுவுக்குள் தங்கள் பணத்தை திரும்பப் பெறுவதை உறுதிசெய்கிறது.
ஐஆர்சிடிசி மூலம் டிக்கெட்டுகளை ரத்து செய்வது ஆன்லைனில் பிரத்தியேகமாக வசதி செய்யப்பட்டுள்ளது. இந்த சேவையை ரயில்வே கவுன்டர்களில் அணுக முடியாது. உறுதிப்படுத்தப்பட்ட டிக்கெட்டுகளுக்கு ஒரு பயணிக்கு ரூ. 60 முதல் ரூ. 240 வரை கட்டணம் வசூலிக்கப்படுகிறது. இதே போல் தட்கல் டிக்கெட்டுகளுக்கான ரத்து விதிமுறைகள், உறுதிப்படுத்தப்பட்ட தட்கல் டிக்கெட்டுகளுக்கான பணத்தைத் திரும்பப் பெறுவது போன்ற முக்கிய விதிகள் உள்ளன. உறுதிசெய்யப்பட்ட மற்றும் காத்திருப்பு பட்டியல் நிலையில் டிக்கெட்டுகளை வைத்திருக்கும் பயணிகள், ரயில் புறப்படுவதற்கு முப்பது நிமிடங்களுக்கு முன்பு முழு தட்கல் டிக்கெட்டையும் ரத்து செய்தால் பணத்தைத் திரும்பப் பெறலாம்.