ஆண்களையும் தாக்கும் மார்பக புற்றுநோய்..!! அறிகுறிகள் இதுதான்..!! மருத்துவர் எச்சரிக்கை..!!
மார்பக புற்றுநோய் பெரும்பாலும் பெண்களை மட்டுமே பாதிக்கும் ஒரு நோயாக பார்க்கப்படுகிறது. ஆனால், ஆனால் அது அரிதாக ஆண்களையும் பாதிக்கும் என சமீபத்திய ஆய்வில் தெரியவந்துள்ளது. பெங்களூரு, ஆஸ்டர் வைட்ஃபீல்ட் மருத்துவமனையின் மருத்துவ புற்றுநோயியல் மற்றும் ஹீமாடோ-ஆன்காலஜியின் ஹெச்ஓடி மற்றும் முன்னணி ஆலோசகர் டாக்டர் சிஎன் பாட்டீலின் கூற்றுப்படி, அனைத்து மார்பக புற்றுநோய்களில் ஆண் மார்பக புற்றுநோயானது 1% க்கும் குறைவாகவே உள்ளது. ஆனால், கவனிக்கப்படாததாக இருப்பதாக தெரிவித்துள்ளார்.
மேலும் இதுகுறித்து விளக்கிய டாக்டர் பாட்டீல், “குடும்ப வரலாறு புற்றுநோயால் ஏற்படும் ஆபத்தை தீர்மானிப்பதில் முக்கிய பங்கு வகிக்கிறது. குறிப்பாக, மார்பக புற்றுநோயால் பாதிக்கப்பட்ட பெண்களின் நெருங்கிய உறவினர்களைக் கொண்ட ஆண்களுக்கு இந்த பாதிப்பு ஏற்படலாம்” என தெரிவித்துள்ளார். 60 முதல் 70 வயதிற்குட்பட்ட ஆண்கள் அதிக ஆபத்தில் இருக்கின்றனர். ஏனென்றால், வயது அதிகரிக்கும் போது இயற்கையாகவே ஹார்மோன் மாற்றங்கள் மற்றும் மரபணு பாதிப்புகள் போன்ற காரணிகளை அதிகரிக்கிறது.
கவனிக்க வேண்டிய அறிகுறிகள் :
ஆண்களுக்கு ஏற்படும் மார்பக புற்றுநோயின் அறிகுறிகள் பெரும்பாலும் நுட்பமானவை. பொதுவான அறிகுறியான மார்பகத்தில் ஒரு கட்டி இருப்பது. இது பொதுவாக கடினமாகவும், வலியற்றதாகவும் இருக்கும். ஆரம்பத்தில் ஆண்கள் மார்பகத் தோலின் மங்கல், சிவத்தல் அல்லது குத்துவதைக் காணலாம். முலைக்காம்பு
பகுதி உள்வாங்குதல் அல்லது வெளியேற்றம் போன்ற மாற்றங்கள் எச்சரிக்கை அறிகுறிகளாகும்.
கட்டி கண்டறியப்படாவிட்டாலும், மார்பக திசுக்களின் உள்ளே உள்ள வீக்கம் ஒரு அறிகுறியாகும். மார்பக புற்றுநோய் பொதுவாக வலியற்றதாக இருக்கும். மார்புப் பகுதிகளில் வீக்கம் நிணநீர் முனைகளுக்கு புற்றுநோய் பரவியிருப்பதைக் குறிக்கலாம். இந்த அறிகுறிகளை முன்கூட்டியே கண்டறிவது மிகவும் முக்கியமானது. ஆண்களுக்கு வழங்கப்படும் புற்றுநோய்க்கான சிகிச்சையானது கட்டியின் அளவு மற்றும் அது எவ்வளவு தூரம் பரவியுள்ளது என்பதைப் பொறுத்தது. இது பொதுவாக அறுவை சிகிச்சை மூலம் தொடங்குகிறது. பின்னர் கீமோதெரபி, ஹார்மோன் தெரபி மற்றும் ரேடியேஷன் தெரபி ஆகியவை செய்யப்படும்.
ஆண் மார்பக புற்றுநோய் அரிதானது. ஆனால். ஆரம்பத்தில் கண்டறியப்பட்டால், ஐந்தாண்டு உயிர்வாழ்வு விகிதம் 84% வரை அதிகமாக இருக்கும். “மார்பகப் புற்றுநோய் என்பது பெண்களை பாதிக்கும் நோய் மட்டுமல்ல என்பதை ஆண்கள் தெரிந்து கொள்ள வேண்டும்” என்று டாக்டர் பாட்டீல் கூறியுள்ளார்.
