வங்கி டெபாசிட்!… புதிய விதிகளை வெளியிட்டது ரிசர்வ் வங்கி!

உரிமை கோரப்படாத டெபாசிட் தொகைகளை திரும்பப் பெறுவதற்கான புதிய விதிகளை ரிசர்வ் வங்கி வெளியிட்டுள்ளது

ரிசர்வ் வங்கி (RBI) சமீபத்தில் வங்கி அமைப்பில் வசூலிக்கப்படாத டெபாசிட்களைக் குறைப்பதற்கான முயற்சிகளை எடுத்து வருகிறது. வங்கிகளுக்கு வழிகாட்டும் சில விதிகளை வெளியிட்டுள்ளது. இந்த வைப்புத்தொகையை சரியான உரிமையாளர்கள் பெறுவதை உறுதி செய்வதே இதன் நோக்கமாகும். தற்போதைய விதிகளின்படி, வங்கிகள் பத்து ஆண்டுகளுக்கும் மேலாக பயன்படுத்தப்படாத டெபாசிட் கணக்கிலிருந்து அல்லது நீண்டகாலமாக கோரப்படாத தொகையை ரிசர்வ் வங்கியின் டிஇஏ நிதிக்கு மாற்ற வேண்டும். செய்தி நிறுவனமான IANS இன் அறிக்கையின்படி, மக்கள் தாங்கள் மறந்துவிட்ட எந்தவொரு வைப்புத்தொகையையும் மீட்டெடுக்க உதவுவதற்காக இந்த நடவடிக்கை எடுக்கப்பட்டது என்பது குறிப்பிடத்தக்கது.

அந்த விதிமுறைகளில் வைப்பு தொகை கோருவத் தொடர்பாக செய்யும் மோசடியைத் தடுப்பதற்கான நடவடிக்கைகள், புகார்களை விரைவாகத் தீர்ப்பதற்கான குறை தீர்க்கும் வழிமுறை, செயல்படாத கணக்குகள் மற்றும் உரிமை கோரப்படாத வைப்புத்தொகைகளின் வாடிக்கையாளர்களைக் கண்டுபிடிப்பதற்கு எடுக்கப்பட வேண்டிய நடவடிக்கைகள், அவர்களின் நியமனதாரர்கள் அல்லது சட்ட வாரிசுகள் கணக்குகளை மீண்டும் செயல்படுத்த , உரிமைகோரல்களின் தீர்வு அல்லது மூடல் மற்றும் அவர்கள் பின்பற்ற வேண்டிய செயல்முறை என அனைத்தும் இருக்கும்.

ஆர்பிஐ- இன் திருத்தப்பட்ட வழிமுறைகள் ஏப்ரல் 1, 2024 முதல் நடைமுறைக்கு வரும். ரிசர்வ் வங்கியின் DEA நிதிக்கு மாற்றப்பட்ட, உரிமை கோரப்படாத டெபாசிட்களின் விவரங்களை {பெயர், முகவரி (பின் குறியீடு இல்லாமல்) மற்றும் உரிமை கோரப்படாத வைப்பு குறிப்பு எண் (UDRN)} ஆகியவற்றை அந்தந்த இணையதளங்களில் ஹோஸ்ட் செய்யுமாறு வங்கிகளுக்கு அறிவுறுத்தப்பட்டுள்ளது. குறைந்தபட்சம் ஒரு மாத அடிப்படையிலாவது தொடர்ந்து இந்த தகவல்கள் புதுப்பிக்கப்படும்.