Missing CM.? வைரலான அண்ணாமலையின் ஹேஸ் டேக்.! ட்ரெண்டிங் செய்யும் பிஜேபி.!

தமிழகம் முழுவதும் புயல் மற்றும் கனமழையால் கடுமையாக பாதிக்கப்பட்டுள்ளது. கடந்த சில தினங்களுக்கு முன்பு வட மாநிலங்களை தாக்கிய புயல் மற்றும் கனமழை தற்போது தென் மாவட்டங்களை தாக்கி இருக்கிறது. திருநெல்வேலி, தூத்துக்குடி மற்றும் கன்னியாகுமரி மாவட்டங்கள் கடுமையாக பாதிக்கப்பட்டுள்ளன. பொது மக்களின் இயல்பு வாழ்க்கை முற்றிலுமாக முடங்கி போயிருக்கிறது

இந்நிலையில் பாரதிய ஜனதா கட்சியின் தலைவர் அண்ணாமலை முதல்வர் ஸ்டாலின் குறித்து கூறியிருக்கும் கருத்துக்கள் அரசியல் வட்டாரங்களில் பரபரப்பையும் சர்ச்சையையும் ஏற்படுத்தி இருக்கிறது. தமிழக அரசு மற்றும் முதல்வர் ஸ்டாலின் பொதுமக்களின் நம்பிக்கையை பெற தவறிவிட்டார் என அவர் தெரிவித்திருக்கிறார். மேலும் அதிகார பலத்தின் மூலமாகவும் விளம்பரங்களின் மூலமும் கட்டமைக்கப்பட்ட அரசின் உண்மையான முகம் தற்போது வெளியில் வந்திருக்கிறது எனவும் தெரிவித்திருக்கிறார்.

வெள்ளத்தில் சிக்கித்தவித்த 4 மாத குழந்தையை மீட்ட நமது சட்டமன்ற குழுத்தலைவர் திரு.@NainarBJPMLA அவர்கள்..!#MissingCM pic.twitter.com/G2aX1eH4bS

— BJP Tamilnadu (@BJP4TamilNadu) December 19, 2023

இது தொடர்பாக பேசியிருக்கும் அவர் புயல் மற்றும் கனமழையால் தமிழகம் கடுமையாக பாதிக்கப்பட்டு இருக்கிறது. பொதுமக்கள் உடைமைகளை இழந்து உயிருக்காக போராடிக் கொண்டிருக்கின்றனர். இந்த நேரத்தில் முதல்வர் அவர்களை சந்திக்காமல் இந்தியா கூட்டணியின் கூட்டத்தில் கலந்து கொள்ள சென்று இருப்பது மிகவும் வேதனையாக இருக்கிறது. இது ஒரு பொறுப்பான முதல்வருக்கு அழகு அல்ல எனவும் தெரிவித்திருக்கிறார். மேலும் இது தொடர்பாக தனது கருத்தை சமூக வலைதளமான X-ல் பதிவு செய்திருக்கும் அவர் #MissingCm என்ற ஹேஸ் டேக்கையும் பதிவு செய்து இருக்கிறார். இதனை தற்போது பிஜேபி கட்சி உறுப்பினர்கள் ட்ரெண்டிங் செய்து வருகின்றனர்.