Paytm பயனர்களே கவனிங்க!! புதிய UPI ஐடிகளுக்கு பயனர்களை மாற்ற நடவடிக்கை!

Paytm இன் தாய் நிறுவனமான One97 கம்யூனிகேஷன்ஸ் லிமிடெட் (OCL), கூட்டாளர் கட்டண சேவை வழங்குநர் வங்கிகளான Axis Bank, HDFC வங்கி, SBI மற்றும் யெஸ் வங்கிக்கு வாடிக்கையாளர்களை மாற்றத் தொடங்கியது.

Paytm UPI வாடிக்கையாளர்கள் இதுவரை OCL இன் இணை நிறுவனமான Paytm Payments Bank Limited-யை கூட்டாளர் கட்டண சேவை வழங்குநர் வங்கியாகப் பயன்படுத்தி வந்தனர். அதனை ரிசர்வ் வங்கி தடை செய்தது. அதனைத்தொடர்ந்து, மார்ச் 15 முதல், Paytm ஆனது மூன்றாம் தரப்பு பயன்பாட்டு வழங்குநராக செயல்பட்டு வருகிறது, அதாவது Paytm ஆனது Axis Bank, Yes Bank, SBI மற்றும் HDFC வங்கிகளை அதன் கட்டண சேவை வழங்குநராக TPAP இல் அதன் கூட்டாளர்களாக மாற்றியுள்ளது.

அதாவது, UPI பரிவர்த்தனைகளில் எந்த இடையூறும் ஏற்படாமல் இருக்க, அனைத்து paytm UPI முகவரிகளையும் பேடிஎம் பேமெண்ட் வங்கியிலிருந்து வேறு வங்கிகளின் UPI முகவரிக்கு மாற்றப்படுகிறது. ஏற்கெனவே உள்ள அனைத்து பயனர்களும் புதிய UPI முகவரிக்கு மாற்றப்படும் வரை, புதிய பயனர்கள் யாரும் சேர்க்கப்பட மாட்டார்கள் என்றும் கூறியுள்ளது.

அதிக அளவு UPI பரிவர்த்தனைகளைச் செயல்படுத்தும் திறன் கொண்ட நான்கைந்து வங்கிகளுக்கு பேமெண்ட் சேவை வழங்கப்படும். பிப்ரவரி 29 முதல் பேடிஎம் பேமெண்ட் வங்கிக் கணக்குகள் அல்லது வாலட்களில் புதிய டெபாசிட்களைப் பெறுவதை நிறுத்துமாறு பேடிஎம் நிறுவனத்தின் தாய் நிறுவனமான ஒன் 97 கம்யூனிகேஷன்ஸு க்கு கடந்த ஜனவரி மாதம் ஆர்பிஐ உத்தரவிட்டது. பின்னர் அந்த காலக்கெடு மார்ச் 15 வரை நீட்டிக்கப்பட்டது

மார்ச் 14, 2024 அன்று NPCI இன் ஒப்புதலைத் தொடர்ந்து, OCL ஐ மூன்றாம் தரப்பு விண்ணப்ப வழங்குநராக (TPAP) ஆன்-போர்டு செய்ய, Paytm ஆனது Axis Bank, HDFC Bank, State Bank of India (SBI) மற்றும் YES வங்கி ஆகியவற்றுடன் ஒருங்கிணைப்பை விரைவுபடுத்தியுள்ளது. Paytm பயனர் கணக்குகளை இந்த PSP வங்கிகளுக்கு மாற்றும் என்று நிறுவனம் பங்குச் சந்தைகளுக்கு ஒரு அறிக்கையில் தெரிவித்துள்ளது.