இந்த நாட்டில் நிலம், மின்சாரம், தண்ணீர், கல்வி ஆகியவை இலவசம்.. ஆனால் இந்த ஒரு விதியை பின்பற்ற வேண்டும்…

இந்தியாவின் அண்டை நாடான பூட்டான் சொர்க்க பூமியாக கருதப்படுகிறது. நீங்கள் வீடு கட்ட விரும்பினால், மன்னர் இலவசமாக நிலம் வழங்குவார். உணவு, மின்சாரம், கல்வி போன்ற அடிப்படைத் தேவைகளும் இலவசமாக வழங்கப்படுகின்றன. குறிப்பிடத்தக்க வகையில், இங்கு சுகாதார வசதிகள் முற்றிலும் இலவசம். இன்றைய உலகில் இத்தகைய அமைப்பு அரிதானது தான் என்றாலும், ஆனால் பூட்டான் தனது குடிமக்களுக்கு இந்த நன்மைகளை உறுதி செய்கிறது. ஆனால் ஒரே ஒரு நிபந்தனையை பூர்த்தி செய்ய வேண்டும்.

பூட்டானில் பிச்சைக்காரர்களோ வீடற்ற நபர்களோ இல்லை. ஒவ்வொரு குடிமகனுக்கும் ஒரு வீடு உள்ளது. மக்கள் பொதுவாக மகிழ்ச்சியான வாழ்க்கையை நடத்துகிறார்கள். அரசு மருத்துவமனைகள் மற்றும் சுகாதார மையங்கள் இலவச சிகிச்சை மற்றும் மருந்துகளை பொதுமக்களுக்கு வழங்குகின்றன. கடுமையான மருத்துவ நிலைமைகளுக்கு, வெளிநாட்டில் சிகிச்சைக்கான செலவைக் கூட அரசாங்கமே ஏற்றுக்கொள்கிறது.

பூட்டான் இப்போது தொலைக்காட்சி மற்றும் இணைய அணுகலைக் கொண்டிருந்தாலும், வெளிநாட்டு கலாச்சாரங்களின் எதிர்மறையான தாக்கம் அந்நாட்டு மக்களின் வாழ்க்கையில் தடுக்க பல ஆண்டுகளாக இந்த சேவைகள் தடை செய்யப்பட்டன. இந்த தடை 1999 இல் மன்னரால் நீக்கப்பட்டது. பூட்டான் உலகின் கடைசி நாடாக தொலைக்காட்சியை ஏற்றுக்கொண்டது.

2008 இல், பூட்டான் அதன் மக்களின் உள் அமைதி மற்றும் நல்வாழ்வுக்கு முன்னுரிமை அளிக்க மொத்த தேசிய மகிழ்ச்சி (GNH) குழுவை நிறுவியது. தேசிய மக்கள்தொகை கணக்கெடுப்பில் கூட தனிநபர்கள் தங்கள் வாழ்க்கையில் திருப்தியடைகிறார்களா என்பதைக் குறிக்கும் ஒரு பகுதி இருக்கிறது.. மொத்த தேசிய மகிழ்ச்சியை அளவிடும் மகிழ்ச்சிக்கான அமைச்சகமும் நாட்டில் உள்ளது. பூட்டானின் வாழ்க்கைத் தரம் நிதி மற்றும் மன நலனுக்கு இடையே உள்ள சமநிலையால் தீர்மானிக்கப்படுகிறது.

பூட்டானில் வீடற்றவர்கள் யாரும் இல்லை

பூட்டானில் வீடற்றவர்கள் யாரும் இல்லை. யாராவது தங்கள் வீட்டை இழந்தால், அவர்கள் மன்னரை அணுகினால், வீடு கட்டவும் காய்கறிகளை வளர்க்கவும் அவர் நிலத்தை வழங்குவார். பூட்டான் மக்கள் பொதுவாக தங்களை மகிழ்ச்சியாகவும், தங்கள் வாழ்க்கையில் திருப்தியாகவும் கருதுகின்றனர். தொடக்க நிலை முதல் உயர்நிலை வரை கல்வி இலவசம். அரசுப் பள்ளி, கல்லூரிகளில் கல்விக் கட்டணம் வசூலிக்கப்படுவதில்லை, சிறப்பு சந்தர்ப்பங்களில், வெளிநாடுகளில் உயர்கல்வி பெற அரசு உதவித்தொகை வழங்குகிறது.

பூட்டானின் கிராமப்புறங்கள், வீட்டு உபயோகத்திற்காக ஒரு குறிப்பிட்ட அளவு மின்சாரம் இலவசமாக வழங்கப்படுகிறது. குறிப்பாக சிறிய குடும்பங்கள் மற்றும் குறைந்த வருமானம் உள்ள குடும்பங்கள் பயனடைகின்றன. விவசாயிகள் விதைகள், உரங்கள் மற்றும் கருவிகளுக்கு அரசிடமிருந்து மானியம் பெறுகிறார்கள். பல விவசாய வளங்கள் இலவசமாக வழங்கப்படுகின்றன அல்லது அதிக மானிய விலையில் விற்கப்படுகின்றன.

பூட்டான் மக்கள் பாரம்பரியமாக தனித்துவமான ஆடைகளை அணிவார்கள். ஆண்கள் கோஸ் எனப்படும் முழங்கால் வரையிலான ஆடைகளை அணிவார்கள், பெண்கள் கிராஸ் எனப்படும் நீண்ட ஆடைகளை அணிவார்கள். ஒரு நபரின் நிலை மற்றும் சமூக அந்தஸ்து அவரது இடது தோளில் போடப்படும் ஸ்கார்ஃபின் நிறத்தால் அடையாளம் காணப்படலாம். சாமானியர்கள் வெள்ளை நிற ஸ்கார்ஃப் அணிவார்கள், பிரபுக்கள் மற்றும் துறவிகள் மஞ்சள் நிற ஸ்கார்ஃப்-ஐ அணிவார்கள்.

நீண்ட காலமாக, பூடான் உலகில் இருந்து தனிமைப்படுத்தப்பட்டது. 1970 ஆம் ஆண்டுதான் வெளிநாட்டு சுற்றுலாப் பயணிகள் முதன்முதலில் பார்வையிட அனுமதிக்கப்பட்டனர். இப்போதும் கூட, வெளிநாட்டு செல்வாக்கை அதிகாரிகள் உன்னிப்பாகக் கண்காணிக்கின்றனர்.

இருப்பினும், பூடான் வேகமாக நவீனமயமாகி வருகிறது. தலைநகர் திம்புவில் ஸ்மார்ட்போன்களும் கரோக்கி பார்களும் சர்வசாதாரணமாகிவிட்டன. பெரும்பான்மையான இளைஞர்கள், சமூக ஊடகங்களை அதிகம் பயன்படுத்துகின்றனர்.

சுற்றுச்சூழல் பாதுகாப்பில் பூடான் உலக அளவில் முன்னணியில் உள்ளது. அங்கு 1999 ஆம் ஆண்டிலேயே பிளாஸ்டிக் பைகள் தடை செய்யப்பட்டன, மேலும் புகையிலை சட்டவிரோதமானதாக கருதப்படுகிறது.. சட்டப்படி, நாட்டின் 60% காடுகள் இருக்க வேண்டும். மரம் நடுவதில் அந்நாட்டு அரசு உறுதியாக உள்ளது. மேலும் 2015 ஆம் ஆண்டில் தன்னார்வலர்கள் ஒரு மணி நேரத்தில் 50,000 மரங்களை நட்டு உலக சாதனை படைத்துள்ளனர்.

பூட்டானின் அற்புதமான இயற்கை அழகு மற்றும் வளமான கலாச்சாரம் இருந்தபோதிலும், பூட்டான் வெகுஜன சுற்றுலாவை வேண்டுமென்றே தவிர்த்து வருகிறது. தனது சுற்றுச்சூழலையும் கலாச்சார பாரம்பரியத்தையும் பாதுகாப்பதற்கு அந்நாடு முன்னுரிமை அளிக்கிறது.

பூட்டானின் முதன்மை ஏற்றுமதி மின்சாரம் ஆகும். இது மின்சாரத்தை இந்தியாவிற்கு விற்கிறது. மற்ற ஏற்றுமதிகளில் மரம், சிமெண்ட், விவசாய பொருட்கள் மற்றும் கைவினைப் பொருட்கள் ஆகியவை அடங்கும். பூட்டான் இராணுவத்தைக் கொண்டிருந்தாலும், அதில் விமானப்படை, கடற்படை இல்லை. எனவே பூட்டானின் வான் பாதுகாப்பு தேவைகளை நிர்வகிப்பதில் இந்தியா உதவுகிறது.

பூட்டானிய மக்கள் மதம் மற்றும் பாரம்பரியம்

பூட்டானில் பெரும்பாலான மக்கள் புத்த மதத்தைப் பின்பற்றுகிறார்கள். இது அனைத்து உயிரினங்களுக்கும் மரியாதையை வலியுறுத்துகிறது. இதன் விளைவாக, நாட்டில் சைவம் மிகவும் பொதுவானது. முக்கிய உணவு அரிசி, ஆனால் அதிகளவில் மலைப்பகுதிகள் இருப்பதால், அங்கு வழக்கமான அரிசியை பயிரிட முடியாது.

மாறாக, பூட்டானியர்கள் சிவப்பு அரிசியை பயிரிடுகிறார்கள். வழக்கமான அரிசியை இது கடினமானதாக இருக்கும், தனித்துவமான சுவை கொண்டது. தேநீர் அவர்களின் கலாச்சாரத்தின் குறிப்பிடத்தக்க பகுதியாகும், மக்கள் உப்பு, கருப்பு மிளகு மற்றும் ஒரு ஸ்பூன் வெண்ணெய் ஆகியவற்றைக் கொண்டு தயாரிக்கப்பட்ட பிளாக் டீ, க்ரீன் டீயை விரும்பி குடிக்கின்றனர்.

பூட்டான் சமூகத்தில் பெண்களுக்கு மரியாதையான இடம் உண்டு. வீடுகள், கால்நடைகள் மற்றும் நிலங்கள் உட்பட சொத்துக்கள் பாரம்பரியமாக மகன்களுக்கு பதிலாக மூத்த மகளுக்கு மாற்றப்படுகின்றன. மேலும், பூட்டானில் இரசாயனப் பொருட்களின் இறக்குமதி அல்லது பயன்பாட்டிற்கு எதிராக கடுமையான சட்டங்கள் உள்ளன. அனைத்து உணவு மற்றும் வளங்களும் நாட்டிற்குள் இயற்கையாகவும் உள்நாட்டிலும் பயிரிடப்படுவதை உறுதி செய்யப்படுகிறது.

வெளிநாட்டினரை திருமணம் செய்ய அனுமதி இல்லை

பூட்டானில் திருமணம் என்பது தனித்துவமான மரபுகளால் பிணைக்கப்பட்டுள்ளது. அரச குடும்பத்தைச் சேர்ந்தவர்கள் அல்லது அதனுடன் நெருங்கிய தொடர்புடையவர்களைத் தவிர, குடிமக்கள் வெளிநாட்டினரை திருமணம் செய்வது சட்டப்பூர்வமாக தடைசெய்யப்பட்டுள்ளது.

திருமண சடங்குகள் கலாச்சார பழக்கவழக்கங்களில் ஆழமாக வேரூன்றியுள்ளன. தேவையான சடங்குகளை முடித்த பிறகு, ஒரு ஜோடி ஒரு குடும்பமாக அங்கீகரிக்கப்படுகிறது. பொதுவாக, கணவர் மனைவியின் வீட்டிற்குச் செல்கிறார், அவர் போதுமான அளவு சம்பாதித்தவுடன், அவர்கள் ஒரு தனி வீட்டிற்குச் செல்லலாம்.

Read More : இந்த நாட்டில் அழகான இளம் பெண்களை வாடகைக்கு மனைவியாக்கி கொள்ளலாம்.. எவ்வளவு வாடகை தெரியுமா?