பட்டப் பகலில் மிளகாய் பொடி தூவி.! 20 வயது இளைஞர் படுகொலை.! வெளியான வீடியோவால் பரபரப்பு.! காவல்துறை வலைவீச்சு.!

பட்டப் பகலில் பரபரப்பான வீதியில் இளைஞர் ஒருவர் கொடூரமாக குத்தி கொலை செய்யப்பட்ட சம்பவம் அதிர்ச்சியையும் பதற்றத்தையும் ஏற்படுத்தி இருக்கிறது. இது தொடர்பான வீடியோ சமூக வலைதளங்களில் வேகமாக பரவி வருகிறது. மேலும் இந்த கொலை சம்பவம் தொடர்பாக குற்றவாளியை கைது செய்ய நடவடிக்கை எடுத்து வருவதாக காவல்துறை தெரிவித்துள்ளது.

பீகாரின் நவதா மாவட்டத்தில் பரபரப்பான சாலையில் 20 வயது இளைஞர் குத்தி படுகொலை செய்யப்பட்டிருக்கிறார். அவரது முகத்தில் மிளகாய் பொடியை தூவி 30க்கும் மேற்பட்ட முறை கத்தியால் குத்தப்பட்டு கொடூரமாக கொலை செய்யப்பட்டுள்ளார். இது தொடர்பான சிசிடிவி காட்சிகள் சமூக வலைதளங்களில் பரபரப்பு ஏற்படுத்தி இருக்கிறது. கொலைகாரன் ஒவ்வொரு முறை கத்தியை வயிற்றிலிருந்து உருவி மீண்டும் குத்தும் காட்சிகள் காண்போரை பதற்றம் அடைய செய்திருக்கிறது.

இந்த கொலை தொடர்பாக காவல்துறை தரப்பில் வழக்கு பதிவு செய்யப்பட்டு குற்றவாளிகள் தீவிரவாத தேடப்பட்டு வருவதாக தெரிவித்துள்ளனர். மேலும் கொலை செய்யப்பட்ட நபர் அந்தப் பகுதியைச் சேர்ந்த பெண் கான்ஸ்டபிலின் மகன் என்ற தகவலும் வெளியாகி இருக்கிறது. கொலை சம்பவம் நடைபெற்ற போது பல நபர்கள் அந்த சாலையில் சென்றும் ஒருவர் கூட உதவவோ காவல்துறைக்கு தகவல் தெரிவிக்கவும் முன்வரவில்லை என்பது குறிப்பிடத்தக்கது.

இந்த ஒரு மாதத்தில் மட்டும் பீகாரில் பல சம்பவங்கள் நடந்து நாட்டையே அதிர செய்து இருக்கிறது. சில நாட்களுக்கு முன்பு அரசு பள்ளியில் ஆசிரியராக பணியமடர்த்தப்பட்ட நபர் கடத்திச் செல்லப்பட்டு அவருக்கு கட்டாயம் திருமணம் நடத்தி வைக்கப்பட்டது. மேலும் காலிஃப்ளவர் திருடியதற்காக 50 வயது முதியவர் கொலை செய்யப்பட்டதும் குறிப்பிடத்தக்கது. இதைவிட கொடூரமாக பள்ளி வாகன ஓட்டுநர் இரண்டு சிறுமிகளை பாலியல் பலாத்காரம் செய்ததும் அடங்கும். இதுபோன்ற தொடர் குற்ற செயல்கள் மக்கள் மத்தியில் பீதியை ஏற்படுத்தியிருக்கிறது.