Red Meat vs White Meat: குடல் புற்றுநோயை உண்டாக்குகிறதா..? எவை உடலுக்கு ஆரோக்கியமானது..
Red Meat vs White Meat: வெள்ளை இறைச்சி பொதுவாக நிறைவுற்ற கொழுப்பு மற்றும் கொலஸ்ட்ரால் அடிப்படையில் உள்ளது. ஆனால், அது ஒரு தெளிவான வெற்றி அல்ல. சிவப்பு இறைச்சியில் இரும்பு மற்றும் சில வைட்டமின்களில் உள்ள தனித்துவமான நன்மைகளை வழங்குகிறது. அவற்றின் ஊட்டச்சத்து விவரங்கள் குறித்து விரிவாக பார்க்கலாம்.
ஊட்டச்சத்து சார்ந்த விஷயங்கள் தொடர்பாக பல்வேறு விவாதங்கள் அடிக்கடி எழுவது ஒரு பொதுவான ஒன்றாக பார்க்கப்படுகிறது.இதேபோல வெள்ளை இறைச்சி சிறந்ததா? சிவப்பு இறைச்சி சிறந்ததா என்பது தொடர்பான விவாதங்கள் நம்மை சுற்றிக்கொண்டுதான் இருக்கின்றன. இந்த இரண்டு வகை இறைச்சிகளிலும்
புரதத்சத்துக்கள் உள்ளன. இவற்றில் உள்ள உண்மை தன்மை குறித்து தெரிந்துகொள்ளலாம்.
சிவப்பு இறைச்சி குறித்து புரிந்துகொள்வது: சிவப்பு இறைச்சியில் ஆட்டுக்குட்டி, பன்றி இறைச்சி மற்றும் மான் இறைச்சி ஆகியவை அடங்கும். சிவப்பு இறைச்சிகளில் மயோகுளோபின் என்ற புரதம் உள்ளதால் அவை அடர்ந்த நிறத்தில் காணப்படுகின்றன. இதில் இரும்பு, துத்தநாகம் மற்றும் வைட்டமின் பி12 போன்ற அத்தியாவசிய ஊட்டச்சத்துக்களின் குறிப்பிடத்தக்க ஆதாரமாக சிவப்பு இறைச்சி உள்ளது. இதில் அதிகளவில் கொழுப்பு இருப்பதால், இவற்றை நாம் அதிகமாக உட்கொள்ளும்போது இதய நோய் மற்றும் பிற உடல்நலப் பிரச்னைகள் ஏற்படும் அபாயம் உள்ளது.
வெள்ளை இறைச்சி குறித்து புரிந்துகொள்வது: வான்கோழி, கோழி கறி போன்றவைகள் வெள்ளை இறைச்சியில் அடங்கும். சிவப்பு இறைச்சிகளுடன் ஒப்பிடும்போது, வெள்ளை இறைச்சிகள் வெளுத்துபோன நிறத்தில் காணப்படும். மேலும், சிவப்பு இறைச்சியுடன் ஒப்பிடும்போது, வெள்ளை இறைச்சியில் நிறைவுற்ற கொழுப்புகள் குறைவு. உடல்நலத்தை ஆரோக்கியமாக வைத்துக்கொள்ள விரும்புவோர் பெரும்பாலும் வெள்ளை இறைச்சிகளையே நாடுகின்றனர். இதில் குறைந்த அளவில் நிறைவுற்ற கொழுப்பு இருப்பதால் சிறந்த ஆரோக்கியத்துடன் தொடர்புடையது இந்த வெள்ளை இறைச்சி.
ஆரோக்கியம் பற்றிய விவரங்கள்:
இதய ஆரோக்கியம்: சிவப்பு இறைச்சியில் நிறைவுற்ற கொழுப்பு தன்மை அதிகமாக உள்ளதால், அவற்றை உட்கொள்வோருக்கு இதய பாதிப்பு ஏற்படுவதற்கான வாய்ப்பு அதிகம். அதேபோல வெள்ளை இறைச்சியில் குறைந்தளவில் நிறைவுற்ற கொழுப்பு இருப்பதால், இது இதய ஆரோக்கியத்திற்கு சிறந்தது.
புற்றுநோய் அபாயம்: பதப்படுத்தப்பட்ட சிவப்பு இறைச்சியான பன்றி மற்றும் மாட்டுக்கறியை சாப்பிடும்போது புற்றுநோய் ஏற்படுவதற்கான வாய்ப்புகள் அதிகம். அதிலும் குறிப்பாக குடல்புற்றுநோய் வருவதற்கான வாய்ப்புகள் அதிகம். இவற்றை பார்க்கும்போது வெள்ளை இறைச்சியிலானால் புற்றுநோய் வருவதற்கான வாய்ப்பு குறைவு.
ஊட்டச்சத்து: சிவப்பு இறைச்சி மற்றும் வெள்ளை இறைச்சி இரண்டிலும் நிறைய ஊட்டச்சத்துகள் உள்ளன. ஆனால், அதிலுள்ள ஊட்டச்சத்து அளவில்தான் மாறுபாடுகள் உள்ளன. அப்படி பார்க்கும்போது, சிவப்பு இறைச்சியில் வைட்டமின் B12, இரும்புச்சத்து அதிகமாக உள்ளதால், இது இரத்த ஆரோக்கியத்திற்கும் நரம்பு தொடர்புடைய செயல்பாட்டிற்கு ஊக்கம் அளிக்கிறது. அதேபோல, வெள்ளை இறைச்சியில் நிறம் மற்றும் நிறைவுற்ற கொழுப்பு குறைந்த அளவில் இருப்பதால், உடல் எடையை குறைப்பதற்கு நல்ல பயனளிக்கிறது.
செயலாக்கம்: சிவப்பு இறைச்சியாக இருந்தாலும் சரி, வெள்ளை இறைச்சியாக இருந்தாலும் சரி தயாரிக்கும் முறை முக்கியமான ஒன்றாக பார்க்கப்படுகிறது. அவற்றை சுத்தமா சமைப்பது அவசியம்.பன்றி இறைச்சி மற்றும் ஹாட் டாக் போன்ற பதப்படுத்தப்பட்ட சிவப்பு இறைச்சிகள், பெரும்பாலும் ஆரோக்கியத்திற்கு தீங்கு விளைவிக்கும் சேர்க்கைகள்(ADDITIVES) மற்றும் பதப்படுத்தும் பொருட்களை(Preservatives) கொண்டிருக்கின்றன. மாறாக, கிரில்லிங் அல்லது பேக்கிங் போன்ற எளிய சமையல் முறைகள் சிவப்பு மற்றும் வெள்ளை இறைச்சிகளின் ஊட்டச்சத்து ஒருமைப்பாட்டைப் பாதுகாக்கவும் உதவுகிறது.
தீர்ப்பு: சிவப்பு இறைச்சிக்கும் வெள்ளை இறைச்சிக்கும் இடையே நடந்துவரும் விவாதத்தில், எல்லாவற்றுக்கும் ஒரே மாதிரியான பதில் இல்லை. சிவப்பு இறைச்சி இரும்பு மற்றும் வைட்டமின் பி 12 போன்ற மதிப்புமிக்க ஊட்டச்சத்துக்களை வழங்கும் .அதே வேளையில், இது அதிக நிறைவுற்ற கொழுப்பு உள்ளடக்கம் மற்றும் சாத்தியமான ஆரோக்கிய அபாயங்களுடன் வருகிறது. மறுபுறம், வெள்ளை இறைச்சி அதன் குறைந்த நிறைவுற்ற கொழுப்பு உள்ளடக்கம் மற்றும் சிறந்த இதய ஆரோக்கியத்துடன் தொடர்புடையது என்று பாராட்டப்படுகிறது. இதில் முக்கியமானது என்னவென்றால் நாம் எந்தளவிற்கு இறைச்சியை எடுத்துக்கொள்கிறோம் என்பதில்தான் இருக்கிறது நமது உடல் ஆரோக்கியம். எந்தவொரு உணவு தேர்வாக இருந்தாலும், தனிப்பட்ட விருப்பத்தேர்வுகள், சுகாதார நிலை மற்றும் கலாசாரக் கருத்தாய்வுகள் ஆகியவற்றை கருத்தில் கொண்டு எடுப்பது சிறந்தது.
