2024?... ஆபத்தில் உலக நாடுகள்!… பயங்கரவாத தாக்குதல் முதல் ரஷ்ய அதிபர் புதின் உயிர் வரை!… பாபா வங்கா கணிப்புகள்!

பயங்கரவாத தாக்குதல் முதல் இயற்கை பேரழிவு வரை 2024ம் ஆண்டில் நிகழும் என்ற அதிர்ச்சிக்கரமான நிகழ்வுகள் குறித்து பாபா வங்கா கணித்துள்ளதாக தகவல்கள் வெளியாகியுள்ளன.

பல்கேரிய பெண்ணான பாபா வாங்கா 1996இல் தனது 75 வயதில் உயரிழந்தார். ஆனால் அவரது பல கணிப்புகள் அவரது மரணத்திற்குப் பிறகு உண்மையாகிவிட்டதாகக் கூறப்படுகிறது. அவரின் உண்மையான பெயர் வான்ஜெலியா பாண்டேவா டிமிட்ரோவா. ஒரு பெரிய புயலின் போது 12 வயதில் மர்மமான முறையில் கண்பார்வை இழந்தார் என கூறப்படுகிறது. சில நாட்களுக்குப் பிறகு அவரது குடும்பத்தினர் அவளைக் கண்டுபிடித்தபோது, ​​அவர் தனது முதல் கணிப்புகளை பற்றி அவர்களிடம் கூறினார் என தெரிவிக்கப்படுகிறது.

அவர் தனது வாழ்நாளில் தொற்றுநோய், இளவரசி டயானாவின் மரணம் மற்றும் செர்னோபில் பேரழிவை முன்னாடியே கணித்ததாக கூறப்படுகிறது. இந்நிலையில் வரும் 2024 ஆம் ஆண்டில், அவர் ஏழு தீர்க்கதரிசனங்களைச் செய்துள்ளார் என்று டெய்லி ஸ்டார் என்ற செய்தி நிறுவனம் தெரிவித்துள்ளது. அவற்றை பின்வருமாறு காணலாம்.

வெளியான தகவலின்படி, ரஷ்ய அதிபர் விளாடிமிர் புட்டின் மீது ஒரு சக நாட்டவரால் கொலை முயற்சி ஏற்படவுள்ளது போல கற்பனை செய்துள்ளார் என்று கூறப்படுகிறது. மேலும் ஐரோப்பாவில் அதிகரித்து வரும் பயங்கரவாதத் தாக்குதல்கள் குறித்தும் அவர் எச்சரித்துள்ளார் என்று கூறப்படுகிறது. மேலும் ஒரு "பெரிய நாடு" அடுத்த ஆண்டு உயிரியல் ஆயுத சோதனைகள் அல்லது தாக்குதல்களை நடத்தும் என்று கணித்துள்ளாராம்.

பாபா தனது மூன்றாவது கணிப்புக்காக, அடுத்த ஆண்டு உலகப் பொருளாதாரத்தை பாதிக்கும் ஒரு பெரிய பொருளாதார நெருக்கடி இருக்கும் என்று குறிப்பிட்டுள்ளாராம். கடன் அளவுகள் அதிகரிப்பது மற்றும் அதிகரிக்கும் புவிசார் அரசியல் பதட்டங்கள் போன்ற காரணிகள் இதற்குக் காரணமாக இருக்கும் என்றும் தெரிவித்துள்ளாராம்.

அதே போல அடுத்த ஆண்டு பயங்கரமான வானிலை நிகழ்வுகள் மற்றும் இயற்கை பேரழிவுகள் இருக்கும் என்றும் அவர் முன்னறிவித்துள்ளார் என்று கூறப்படுகிறது. சைபர் தாக்குதல்கள் அதிகரிக்கும் என்று, மேம்பட்ட ஹேக்கர்கள் பவர் கிரிட்கள் மற்றும் நீர் சுத்திகரிப்பு நிலையங்கள் போன்ற முக்கியமான உள்கட்டமைப்பை குறிவைப்பார்கள், இது தேசிய பாதுகாப்பு அச்சுறுத்தலை ஏற்படுத்தும் என்றும் அவர் கணித்துள்ளாராம். அல்சைமர், புற்றுநோய் உள்ளிட்ட குணப்படுத்த முடியாத நோய்களுக்கு, 2024-ல் புதிய சிகிச்சைகள் இருக்கும் என்று பாபா கூறியுள்ளாராம். குவாண்டம் கம்ப்யூட்டிங்கில் ஒரு பெரிய திருப்புமுனை இருக்கும் என்றும் அவர் கணித்துள்ளார் என்று அந்த ஊடகம் தெரிவித்துள்ளது.