"புருஷன்னு கூட பாக்காம இப்படியா பண்றது…" கடித்துத் துப்பிய மனைவி.! ஒட்ட வைக்க முயற்சி.! வினோத சம்பவம் .!

தலைநகர் டெல்லியில் கணவரின் காதை மனைவி கடித்து துப்பிய சம்பவம் அதிர்ச்சியும் பரபரப்பையும் ஏற்படுத்தி இருக்கிறது. இது தொடர்பாக கைது செய்யப்பட்ட மனைவியிடம் காவல்துறையினர் தீவிர விசாரணை நடத்தி வருகின்றனர்.

டெல்லி சுல்தான்புரி பகுதியைச் சேர்ந்தவர் 45 வயதான சுக்ராம் பாண்டே. இவருக்கும் இவரது மனைவிக்கும் கடந்த சில ஆண்டுகளுக்கு முன்பு திருமணம் நடைபெற்றது. இந்நிலையில் கணவன் மனைவியிடையே அடிக்கடி குடும்ப தகராறு நடந்து வந்ததாக தெரிகிறது. இதனால் கணவரிடமிருந்து பிரிந்து தனியாக வாழ்வதற்கு முடிவு செய்து இருக்கிறார் அவரது மனைவி.

இது தொடர்பாக வீட்டை விட்டு தனக்கு சேர வேண்டிய பங்கை கொடுக்கும்படி கணவரிடம் தெரிவித்திருக்கிறார். இதனால் இருவருக்குமிடையே மீண்டும் வாக்குவாதம் ஏற்பட்டிருக்கிறது. இந்த வாக்குவாதம் சண்டையாக மாற இருவரும் ஒருவரை ஒருவர் தாக்கியுள்ளனர். இந்த சண்டையில் ஆத்திரமடைந்த அவரது மனைவி சுக்கிராம் பாண்டேவின் காதை கடித்து துப்பி இருக்கிறார்.

இதனைத் தொடர்ந்து அவரை மீட்ட அக்கம் பக்கத்தினர் அவரது காதையும் எடுத்துக் கொண்டு சுக்ராம் பாண்டேவை மருத்துவமனையில் அனுமதித்துள்ளனர். அங்கு அவரது காதை ஒட்ட வைப்பதற்கான தீவிர முயற்சிகள் நடைபெற்று வருகிறது. இந்நிலையில் இந்த சம்பவம் தொடர்பாக கைது செய்யப்பட்ட சுக்ராம் பாண்டேவின் மனைவியிடம் காவல்துறையினர் தீவிர விசாரணை நடத்தி வருகின்றனர்.