வெளுத்து வாங்கும் கனமழை!. பள்ளி, கல்லூரிகளுக்கு இன்று விடுமுறை அறிவிப்பு!

Holiday: கனமழை காரணமாக நீலகிரி மாவட்டம் குன்னூர் தாலுகாவில் பள்ளி, கல்லூரிகளுக்கு இன்று விடுமுறை அறிவிக்கப்பட்டுள்ளது.

தென் கேரள கடலோரப்பகுதிகள் மற்றும் அதனை ஒட்டிய பகுதிகளின் மேல் வளிமண்டல கீழடுக்கு சுழற்சி நிலவுவதாக வானிலை ஆய்வு மையம் தெரிவத்துள்ளது. இதன் காரணமாக தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இன்று மற்றும் நாளை லேசானது முதல் மிதமான மழை பெய்யக்கூடும் என அறிவிக்கப்பட்டது.

தமிழகத்தில் பல்வேறு மாவட்டங்களில் கனமழை பெய்து வருவதால் முன்னெச்சரிக்கை நடவடிக்கையாக பள்ளிகளுக்கு விடுமுறை அறிவித்து மாவட்ட ஆட்சியர் உத்தரவிடுகின்றனர். அந்தவகையில், நீலகிரி மாவட்டம் குன்னூரில் கனமழை பெய்து வருவதால் குன்னூர் தாலுகாவில் பள்ளி, கல்லூரிகளுக்கு மட்டும் இன்று(நவ.4) விடுமுறை அறிவித்து மாவட்ட ஆட்சியர் உத்தரவிட்டுள்ளார். குன்னூரில் கடந்த 24 மணி நேரத்தில் 10 செ.மீ. மழை பெய்துள்ளது குறிப்பிடத்தக்கது.

Readmore: ஈரானில் பரபரப்பு!. உள்ளாடைகளுடன் உலா!. ஆடை கட்டுப்பாட்டுக்கு எதிராக போர்க்கொடி!. மாணவி கைது!