இன்று எந்தெந்த மாவட்ட பள்ளி, கல்லூரிகளுக்கு விடுமுறை..? தமிழ்நாடு அரசு அறிவிப்பு..!!

மிக்ஜாம் புயல் மிக மோசமான பாதிப்புகளை ஏற்படுத்தியுள்ள நிலையில், மீட்புப் பணிகள் தொடர்ந்து நடைபெற்று வருகிறது. சென்னையில் நேற்றைய தினம் பல முக்கிய இடங்களில் மழை நீர் வடிந்துவிட்டது. உட்புற பகுதிகளில் மட்டுமே வெள்ள நீர் இருந்தது. அதையும் அகற்ற படுவேகமாக பணிகள் நடந்து வருகிறது. இந்த கனமழை காரணமாக ஏற்கனவே திங்கள் மற்றும் செவ்வாய் என இரண்டு நாட்களும் சென்னை உட்பட 4 மாவட்டங்களில் பொது விடுமுறை அறிவிக்கப்பட்டது.

அரசு அலுவலகங்களுக்கு விடுமுறை அளிக்கப்பட்டிருந்த நிலையில், தனியார் நிறுவனங்களும் தங்கள் ஊழியர்களை வீட்டிலிருந்து பணிபுரிய அனுமதிக்க அரசு கோரிக்கை விடுத்திருந்தது. நேற்றைய தினமே மழை விட்ட நிலையில், மீட்புப் பணிகள் படுவேகமாக நடந்து வருகிறது. இதற்கிடையே மிக்ஜாம் தாக்கம் காரணமாக இன்று மொத்தம் 4 மாவட்டங்களில் பள்ளி, கல்லூரிகளுக்கு விடுமுறை அறிவிக்கப்பட்டுள்ளது. அதன்படி சென்னை, செங்கல்பட்டு, திருவள்ளூர் மற்றும் காஞ்சிபுரம் மாவட்டங்களில் உள்ள அனைத்து பள்ளி மற்றும் கல்லூரிகளுக்குத் தமிழ்நாடு அரசு விடுமுறை அளிக்கப்பட்டுள்ளது.

ஏற்கனவே, கனமழை காரணமாகக் கடந்த இரண்டு நாட்கள் பள்ளி, கல்லூரிகளுக்கு விடுமுறை அளிக்கப்பட்டிருந்த நிலையில், மூன்றாவது நாளாக இன்றும் விடுமுறை அளிக்கப்பட்டுள்ளது.