10ஆம் வகுப்பு பொதுத்தேர்வு நுழைவுச்சீட்டு எப்போது வெளியீடு..! முழு விவரம்..!

10th public exam | ஆண்டுதோறும் மார்ச் மாதம் 10ஆம் வகுப்பு பொதுத்தேர்வு நடைபெறும். வரும் கல்வியாண்டிற்கான பொதுத்தேர்வு மார்ச் 26ஆம் தேதி தொடங்கி, ஏப்ரல் 8 ஆம் தேதி வரைநடைபெற இருக்கிறது. 10ம் வகுப்புக்கான செய்முறை தேர்வு
கடந்த பிப்ரவரி மாதம் 23ம் தேதி தொடங்கி 29-ம் தேதி வரை நடைபெற்றது. 10ஆம் வகுப்பு பொதுத்தேர்வு முடிவுகள் மே 10ஆம் தேதி வெளியிடப்படும் என்று தெரிவிக்கப்பட்டுள்ளது.

இந்நிலையில் 10ஆம் வகுப்பு பொதுத்தேர்வுக்கான நுழைவுச்சீட்டு மார்ச் மாதம் 15ஆம் தேதி பிற்பகல் முதல் https://www.dge.tn.gov.in/ என்ற இணையதளத்தின் வாயிலாக பதிவிறக்கம் செய்துகொள்ளலாம் என்று அறிவிக்கப்பட்டுள்ளது. மேலும் பொதுதேர்விற்கான பெயர் பட்டியலில் திருத்தம் ஏதேனும் இருந்தால் சம்மந்தப்பட்ட தேர்வு மையங்களின் கண்காணிப்பாளர்களை அணுகி தேர்வு மையத்திற்கான பெயரை பட்டியலில் உரிய திருத்தங்களை செய்து கொள்ளாலாம் என்று அறிவிக்கப்பட்டுள்ளது.