வற்றாத நீர்.. அந்தரத்தில் தொங்கும் தூண்.. சீதையின் காலடித்தடம் உள்ள வீரபத்ரர் கோயில்..!! எங்க இருக்கு தெரியுமா..?

ஆந்திரப் பிரதேசத்தின் அனந்தப்பூர் மாவட்டத்தில் அமைந்திருக்கிறது வீரபத்திரர் கோயில்.  சிவபெருமானுக்கு அர்ப்பணிக்கப்பட்ட இந்த பழமையான கோவில், விஜயநகரப் பேரரசின் மகத்துவத்திற்கும் கைவினைத்திறனுக்கும் சான்றாகும். கோவிலின் பாறையில் உள்ள காலடித்தடம் சீதையின் வலது பாதம் பதிந்த இடம் என்று கருதப்படுகிறது.

சீதையின் காலடி தடம் : புராண கதைகளின்படி, சீதையும் ராமரும் வனவாசம் சென்றிருந்தபோது, சீதையை ராவணன் இலங்கைக்கு கடத்திச் செல்ல முயற்சித்தான். அப்போது ஜடாயு என்ற பறவை சீதாதேவியை காப்பதற்காக ராவணனுடன் போரிட்டது.. அப்போது அங்கிருந்த பாறையின் மீது சீதை காலடி வைக்க அதிலிருந்து வற்றாது நீர் சுரந்தது. அதை அருந்தி ராமர் வரும்வரை உயிருடன் இருந்து சீதையைப் பற்றிய தகவலை ராமரிடம் சொல்லி ஜடாயு பறவை இறந்ததாக சொல்லப்படுகிறது.

இந்த கால் தடத்தினுள் வற்றாது நீர் எப்போதும் சுரந்துக் கொண்டே இருக்கிறது. இந்த நீர் எங்கிருந்து சுரக்கிறது என்பதை இதுவரை யாராலும் இன்றுவரை கண்டுப்பிடிக்கவே முடியவில்லை. கோடைக்காலத்தில் கூட இந்த பாதத்தின் பெருவிரலில் தண்ணீர் நிற்கும் என சொல்லப்படுகிறது. இந்த கால் தடம் சுமார் 2 ½ அடி நீளத்துடனும், 1 ½ அடி அகலத்துடனும் இருக்கிறது என்பது குறிப்பிடத்தக்கது.

வீரபத்திரர் கோவிலில் நிறைய அதிசயங்கள் இருந்தாலும் குறிப்பிட்ட சொல்ல வேண்டியது தொங்கும் தூண் பற்றி தான். இக்கோவிலில் இருக்கும் 70 தூண்களில் இந்த ஒரு தூண் மட்டும் தரையை தொடாமல் காற்றில் மிதக்கிறது. இந்த அதிசயத்தை காண பல ஆயிரக்கணக்கான மக்கள் இக்கோவிலுக்கு வந்து செல்கின்றனர். தூணின் அடிப்பகுதியில் ஒரு பக்கத்திலிருந்து இன்னொரு பக்கம் புடவை முந்தானையை விட்டு எடுத்தால், செல்வ செழிப்பு பெறுவார்கள் என்பது ஐதீகம்.

சிவன் மற்றும் பார்வதி திருமணம், ராவணன் கைலாச மலையைத் தூக்குவது மற்றும் பாற்கடலைக் கலப்பது உள்ளிட்ட புராணக் கதைகளை சித்தரிக்கும் சிக்கலான சிற்பங்களால் கோயிலின் சுவர்கள் அலங்கரிக்கப்பட்டுள்ளன. பிரதான மண்டபத்தின் உச்சவரம்பு சோழர்களின் ஓவியங்களால் ஈர்க்கப்பட்டதாக நம்பப்படும் வான நடனத்தின் அழகிய ஓவியத்தால் அலங்கரிக்கப்பட்டுள்ளது.

வீரபத்ரா கோயிலை எப்படி அடைவது : ஆந்திர மாநிலம் அனந்தபூர் மாவட்டத்தில் உள்ள லேபாக்ஷி என்ற சிறிய நகரத்தில் வீரபத்ரர் கோயில் உள்ளது. பெங்களூர் மற்றும் ஹைதராபாத் போன்ற அருகிலுள்ள நகரங்களில் இருந்து வழக்கமான பேருந்துகள் மற்றும் தனியார் டாக்சிகள் மூலம், சாலை வழியாக எளிதில் அணுகலாம்.

நீங்கள் விமானத்தில் பயணம் செய்தால், அருகிலுள்ள விமான நிலையம் பெங்களூர். அங்கிருந்து டாக்ஸி அல்லது பஸ் மூலம் கோவிலை அடையலாம். ரயில் பயணத்தை விரும்புவோருக்கு, அருகிலுள்ள ரயில் நிலையம் இந்துப்பூரில் உள்ளது. அங்கிருந்து டாக்ஸி அல்லது உள்ளூர் பேருந்து மூலம் கோயிலுக்குச் செல்லலாம்.

Read more ; செந்தில் பாலாஜி ஜாமினுக்கு எதிரான சீராய்வு மனு நிராகரிப்பு..!! – உச்ச நீதிமன்றம் அதிரடி