வாஸ்து டிப்ஸ்: வீட்டில் மகிழ்ச்சி பெருகி செல்வ வளம் அதிகரிக்க இந்த படத்தை வைத்துப் பாருங்கள்.!

பொதுவாக பலரது வீடுகளிலும் இயற்கை சார்ந்த படங்கள், கடவுளின் படங்கள், குடும்ப புகைப்படங்கள் மற்றும் ஓவியங்களை சுவற்றில் மாட்டி வைத்திருப்போம். இவற்றில் ஒரு சில படங்கள் வீட்டில் வைக்கும் போது அவை நேர்மறையான ஆற்றலை அதிகரித்து குடும்பத்தில் மகிழ்ச்சி பெருக வழிவகை செய்யும் என வாஸ்து நிபுணர் குறிப்பிட்டு இருக்கிறார்.

வீட்டில் அடிக்கடி சண்டை வருவது, என்னதான் நேர்மையாக உழைத்தாலும் பதவி உயர்வு கிடைக்கவில்லை என்ற எண்ணம், தொழிலில் வருமானம் இல்லை போன்ற எதிர்மறையான விஷயங்கள் தொடர்ந்து நடக்கிறதா? அப்படியெனில்  வீட்டில் ஏழு வெள்ளை நிற குதிரைகள் ஓடுவது போன்ற படத்தை வைப்பதன் மூலம் நேர்மறையான ஆற்றல் அதிகரித்து வீட்டில் மகிழ்ச்சி பெருகும்.

குறிப்பாக ஏழு குதிரைகள் என்பதற்கு வாஸ்துவின் படி பல காரணங்கள் இருந்து வருகின்றன. அதாவது, ஏழு என்ற எண்ணிற்கு பல சிறப்பு குணங்கள் உள்ளன. ஏழு சப்தரிஷிகள், ஏழு வானவில் வண்ணங்கள், ஏழு ஸ்வரங்கள், சூரிய பகவானின் வாகனத்தில் ஏழு குதிரைகள் இதை போன்று பல்வேறு சிறப்பு வாய்ந்த விஷயங்களில் 7 ஆம் எண் தான் இருந்து வருகிறது.

வீட்டில் தெற்கு திசையில் வெள்ளை நிற குதிரைகளின் படத்தை மாட்டி வைத்தால் புகழ், பெயர், மகிழ்ச்சி பெருகும். கடன் தொல்லையால் கஷ்டப்படுபவர்கள் ஒரு ஜோடி குதிரை பொம்மைகள் அல்லது ஏழு வெள்ளை நிற குதிரைகளின் படங்களை மேற்கு திசையில் வைப்பதன் மூலம் உடனடி பலன் பெறலாம்.