இந்த வார நாமினேஷனில் சிக்கிய டஃப் போட்டியாளர்கள்..!! டைட்டில் வின்னர் தப்பிச்சிட்டாரு..!!

பிக்பாஸ் நிகழ்ச்சியின் 7-வது சீசன் தொடங்கி 50 நாட்கள் நிறைவடைந்துவிட்டது. இந்நிகழ்ச்சியில் தற்போது 14 போட்டியாளர்கள் உள்ளனர். அவர்கள் இடையே சண்டையை மூட்டிவிடும் வகையில் பல விதமான டாஸ்க்குகளை கொடுத்து வருகிறார் பிக்பாஸ். அந்த வகையில், இந்த வாரம் அவர் கொடுத்த டாஸ்க்கால் பிக்பாஸ் வீடே பேரதிர்ச்சியில் மூழ்கி உள்ளது. ஏனென்றால், இந்த வாரம் மேலும் 3 வைல்டு கார்டு எண்ட்ரி உள்ளே வர உள்ளார்களாம்.

வைல்டு கார்டு எண்ட்ரியாக வரும் போட்டியாளர்களுடன் பிக்பாஸ் போட்டியாளர்களுக்கு நடக்கும் போட்டியில் அவர்கள் மூவரையும் வீழ்த்தி விட்டால் பிக்பாஸ் போட்டியாளர்கள் போட்டியில் தொடரலாம். ஒருவேளை வீழ்த்த தவறிவிட்டால் வைல்டு கார்டு போட்டியாளர்களை உள்ளே அனுப்பிவிட்டு, தோற்றவர்கள் வெளியேற்றப்படுவார்கள் என அறிவிக்கப்பட்டுள்ளது.

இது ஒருபுறம் இருக்க இந்த வாரம் பிக்பாஸ் வீட்டில் இருந்து நாமினேட் ஆகி உள்ள போட்டியாளர்களின் லிஸ்ட் வெளியாகி உள்ளது. அதன்படி, பிக்பாஸ் நிகழ்ச்சியில் டஃப் ஆன போட்டியாளர்களாக இருக்கும் மாயா, அர்ச்சனா, பூர்ணிமா, விசித்ரா, மணி, ரவீனா ஆகியோரும் பிக்பாஸ் வீட்டில் ஜாலியாக சுற்றிக்கொண்டிருக்கும் போட்டியாளர்களான பிராவோ மற்றும் அக்‌ஷயாவும் இந்த வாரம் நாமினேட் ஆகி உள்ளனர்.

இதில் ஆச்சர்யம் என்னவென்றால் பிக்பாஸ் நிகழ்ச்சியின் 7-வது சீசன் டைட்டில் வின்னர் என தன்னைத் தானே கூறிக்கொள்ளும் சரவண விக்ரம் இந்த வாரம் நாமினேஷனில் சிக்கவில்லை. அதேபோல் வனிதாவின் மகள் ஜோவிகா, கூல் சுரேஷ், விஷ்ணு மற்றும் நிக்சன் ஆகியோரும் இந்த வார எவிக்‌ஷனில் இருந்து தப்பித்துள்ளனர்.