வீட்டு வைத்தியம் மூலம் பல் சொத்தை, பல் வலியை குணப்படுத்தலாம்..!! இந்த அறிகுறிகள் இருந்தால் உஷாரா இருங்க..!!

நாம் உண்ணும் உணவின் சில துகள்கள் பற்களில் சிக்கிக் கொள்ளும். நாட்பட்ட அளவில் அவை பற்களில் படியும்போது, பற்களில் பிளேக் படிகிறது. இதனால், பாக்டீரியா உருவாகிறது. இந்த பாக்டீரியா அமிலத்தை உருவாக்கி, பல் சிதைவை ஏற்படுத்துகிறது. அதாவது, கூச்ச உணர்வு மற்றும் வலி. உலக சுகாதார அமைப்பின் கூற்றுப்படி, பல் சிதைவு என்பது உலகில் மிகவும் பொதுவான நோயாகும். அமெரிக்காவில் 4இல் ஒருவர் பல் சொத்தை பிரச்சனையால் அவதிப்படுகிறார். அதனால், பல் பிரச்சனை இருப்பவர்கள் பல் மருத்துவரை சந்தித்து கூடிய சீக்கிரம் ஆலோசனையைப் பெற வேண்டும்.

இப்படியான பிரச்சனையை எதிர்கொள்ள தொடங்கியிருப்பவர்கள் சில வீட்டு வைத்தியங்கள் மூலம் பல் சிதைவுகளை சரி செய்யலாம். 2020 ஆய்வின்படி, சோடியம் ஃப்ளூரைடு கொண்ட உணவுகள் பற்களின் மீது துவாரங்கள் மற்றும் பல் சிதைவை எதிர்த்துப் போராடுவதில் நன்மை பயக்கும். அதாவது, சோடியம் புளோரைடு பல் பிரச்சனைகளில் இருந்து விடுபட மிகவும் பயனுள்ளதாக இருக்கிறது என ஆய்வில் தெரியவந்துள்ளது.

பல் சிதைவின் அறிகுறிகள்

பல் உணர்திறன், ஈறுகளில் இரத்தப்போக்குபல் வலி, பற்களில் தெரியும் துளை, பற்களில் கருப்பு அல்லது வெள்ளை கறை

வலியிலிருந்து விடுபடுவது எப்படி..?

பற்களில் உள்ள குழி பிரச்சனையை நீக்குவதற்கு கிராம்பு மிகவும் பயனுள்ளதாக இருக்கும். இது இயற்கையான மயக்க பண்புகளைக் கொண்டுள்ளது. இது பல் வலி மற்றும் வீக்கத்திற்கு பயனுள்ளதாக இருக்கும். இது தொற்றுநோயை எதிர்த்துப் போராட உதவுகிறது. கிராம்புகளை பற்களுக்கு இடையில் நேரடியாக அழுத்தலாம். இது தவிர, கிராம்பு எண்ணெயை குழி பகுதியில் தடவினால் வலியிலிருந்து நிவாரணம் கிடைக்கும்.

பற்களில் புழு இருந்தால் என்ன செய்வது..?

பல் தொற்று ஏற்பட்டால், உப்பு நீரில் வாய் கொப்பளிப்பது நன்மை பயக்கும். உப்பு நீர் ஒரு இயற்கை ஆண்டிசெப்டிக் ஆகும். ஈறு வீக்கம் மற்றும் வலியில் இருந்து நிவாரணம் பெற உப்பு நீரை வாய் கொப்பளிக்க வேண்டும்.

ஆயில் புல்லிங்

ஆயில் புல்லிங் என்பது ஒரு ஆயுர்வேத மற்றும் பல் சொத்தை அல்லது குழிவு பிரச்சனையில் இருந்து நிவாரணம் பெற உதவும். எள் அல்லது தேங்காய் எண்ணெய்யை 15-20 நிமிடங்கள் வாயில் வைப்பது தீங்கு விளைவிக்கும் பாக்டீரியா மற்றும் நச்சுகளை அகற்ற உதவுகிறது. இது வாய் ஆரோக்கியத்தை மேம்படுத்துகிறது. பற்குழி பிரச்சனைகளில் இருந்து நிவாரணம் தருகிறது.

Read More : தவெக-வின் 2-வது மாநாட்டில் சர்ச்சைக்கு முற்றுப்புள்ளி வைக்கும் விஜய்..? என்ன செய்யப்போகிறார் தெரியுமா..?