ராமேஸ்வரத்தில் பள்ளிகளுக்கு இன்று விடுமுறை..! மாவட்ட ஆட்சியர் அறிவிப்பு..!

ராமேஸ்வரம் தீவுப் பகுதியில் உள்ள பள்ளிகளுக்கு மட்டும் இன்று விடுமுறை அளிக்கப்படுவதாக மாவட்ட ஆட்சியர் உத்தரவிட்டுள்ளார்.

மேக வெடிப்புக் காரணமாக நேற்றைய தினம் ராமேஸ்வரத்தில் பாம்பன், மண்டபம் உள்ளிட்ட பகுதிகளில் கனமழை கொட்டித்தீர்த்தது. இதன் காரணமாக நேற்றைய தினம் ராமேஸ்வரத்தில் பள்ளிகள் மற்றும் கல்லூரிகளுக்கு விடுமுறை விடப்பட்டிருந்தது. இந்நிலையில் இன்று பள்ளிகளுக்கு மட்டும் விடுமுறை அளிக்கப்படுவதாக மாவட்ட ஆட்சியர் உத்தரவிட்டுள்ளார்.

கனமழை காரணமாக பல்வேறு இடங்களிலும், வீடுகளுக்குள்ளும் தண்ணீர் தேங்கியுள்ளதால், மாணவர்களின் நலன் கருதி ராமேஸ்வரம் தீவுப் பகுதியில் உள்ள பள்ளிகளுக்கு மட்டும் இன்று ஒரு நாள் விடுமுறை அளிக்கப்படுவதாக மாவட்ட ஆட்சியர் தெரிவித்துள்ளார்.

Read More: அவலம்!. வீரமரணமடைந்த ராணுவ வீரர்கள்!. கழுதைகள் மீது உடல்களை ஏற்றிச்செல்லும் அதிர்ச்சி!. வீடியோ வைரல்!