Chandigarh: பெண் துப்பாக்கியால் சுட்டு கொலை... 3 பேரை அதிரடியாக கைது செய்த காவல்துறை...!

சண்டிகரில் உள்ள கிஸ்ராபாத் என்ற இடத்தில் போலீசாருக்கும், ரவுடி கும்பலுக்கும் இடையே மோதல் ஏற்பட்டது. இந்த சம்பவத்தில் மூன்று குற்றவாளிகள் காயமடைந்துள்ளதாக தகவல்கள் தெரிவிக்கின்றன. குற்றம் சாட்டப்பட்ட நபர்கள் சில நாட்களுக்கு முன்பு டெராபஸ்ஸியில் ஒரு பெண் மீது துப்பாக்கிச் சூடு நடத்திய வழக்கில் தொடர்புடையவர்கள். இந்த வழக்கில் பாதிக்கப்பட்ட பெண் சிகிச்சை பலனின்றி உயிரிழந்தார்.

இந்த கொடூர சம்பவத்தில் ஈடுபட்ட நபர்கள் ஹரியானாவை சேர்ந்த அக்ஷய், நரேஷ் குமார், சுனில் குமார் என அடையாளம் காணப்பட்டுள்ளனர். இந்த மூன்று குற்றவாளிகளும் சமீபத்தில் 61 வயது பெண் சரோஜ் மீது துப்பாக்கிச் சூடு நடத்தினர், இதில் காயமடைந்த அவர் பின்னர் இறந்தார். இந்த சம்பவம் முழுவதும் அங்கு பொருத்தப்பட்டிருந்த சிசிடிவி கேமராவில் பதிவாகியுள்ளது. இதையடுத்து குற்றவாளிகளை போலீசார் தேடி வந்தனர். இன்று அவர்கள் இருக்கும் இடம் குறித்து போலீஸாருக்கு துப்பு கிடைத்தது. உடனடியாக அவர்களை சுற்றி வளைத்து கைது செய்தனர்.

பெண் மீது துப்பாக்கிச் சூடு நடத்திய வழக்கில், துப்பாக்கிச் சூட்டுக்கான உண்மையான காரணத்தை காவல்துறையால் கண்டறிய முடியவில்லை, ஆனால் பாதிக்கப்பட்டவரின் மருமகனுக்கு இதில் தொடர்பு இருக்கலாம் என்று குடும்பத்தினர் சந்தேகிக்கின்றனர். இவரது மகளுக்கு கடந்த சில ஆண்டுகளாக கணவருடன் குடும்ப தகராறு இருந்து வந்தது. என்ற கோணத்திலும் போலீசார் விசாரணை நடத்தி வருகின்றனர்.

இது தொடர்பாக அடையாளம் தெரியாத இரு இளைஞர்கள் மீது போலீஸார் வழக்குப் பதிவு செய்தனர். பாதிக்கப்பட்ட பெண் கிரண் கடந்த 2016ம் ஆண்டு திருமணம் செய்து கொண்டார்.ஆனால் அவர் நீண்ட நாட்களாக தனது குழந்தைகளுடன் கணவரை விட்டு பிரிந்து வாழ்ந்து வந்தார் என விசாரணையில் தெரிய வந்துள்ளது.