இந்தியாவின் மிகவும் பிரபலமான நடிகர் இவர் தான்... கண்டிப்பா ரஜினி, விஜய், ஷாருக்கான் இல்ல..
இந்தியாவின் மிகவும் பிரபலமான நடிகர்கள் பட்டியல் சமீபத்தில் வெளியானது. அக்டோபர் மாதத்திற்கான இந்த பட்டியலை Ormax நிறுவனம் வெளியிட்டிருந்தது. Ormax Stars India Loves: Most Popular Male Film Stars in India என்ற பெயரில் வெளியான இந்த பட்டியலில் தென்னிந்திய சூப்பர் ஸ்டார் பிரபாஸ் முதலிடம் பிடித்துள்ளார்.
பாலிவுட்டின் ஷாருக்கான் மற்றும் சல்மான் கான் ஆகியோரை பின்னுக்கு தள்ளி மிகவும் பிரபலமான நடிகர் என்ற பட்டத்தை பிரபாஸ் வென்றுள்ளார். கல்கி 2898 ஏடி படத்தின் மாபெரும் வெற்றியை பிரபாஸ் கொண்டாடி வரும் பிரபாஸ் தற்போது இந்தியாவின் மிகவும் பிரபலமான ஆண் திரைப்பட நட்சத்திரங்களின் பட்டியலில் முதலிடத்தைப் பிடித்துள்ளார்.
தமிழ் சினிமாவின் உச்ச நடிகர்களில் ஒருவராக கருதப்படும் நடிகர் விஜய் இந்த பட்டியலில் 2-வது இடத்தை பிடித்துள்ளார். பாலிவுட் நடிகர் ஷாருக்கான், இந்த பட்டியலில் 3-வது இடத்தைப் பிடித்தார்.
ஜூனியர் என்டிஆர் 4-வது இடத்தை பிடித்துள்ள நிலையில், தமிழ் சினிமாவின் மற்றொரு உச்ச நடிகராக கருதப்படும் அஜித் குமார் இந்த பட்டியலில் 5-வது இடத்தை பிடித்துள்ளார்.
புஷ்பா 1 படத்தின் மாபெரும் வெற்றி மூலம் பான் இந்திய நடிகராக மாறிய அல்லு அர்ஜுன் இந்த பட்டியலில் 6-வது இடத்தில் இருக்கிறார். 7-வது இடத்தை நடிகர் மகேஷ் பாபுவும், 8-வது இடத்தை நடிகர் சூர்யாவும் பிடித்துள்ளனர்.
இந்த பட்டியலில் நடிகர் ராம் சரண் 9வது இடத்தில் உள்ளார். பாலிவுட்டின் உச்ச நடிகர்களில் ஒருவரான சல்மான் கான், இந்த பட்டியலில் 10வது இடத்தில் உள்ளார்.
இந்த பட்டியலில் சமூக வலைதளங்களில் வெளியான நிலையில் மிகவும் பிரபலமான நடிகராக உள்ள பிரபாஸின் ரசிகர்கள் இதனை கொண்டாடி தீர்த்து வருகின்றனர்.
பிரபாஸ் தற்போது சலார் 2 படத்தில் நடித்து வருகிறார். பிரபாஸ் தவிர, பிருத்விராஜ் சுகுமாரன், ஸ்ருதி ஹாசன் மற்றும் ஸ்ரீயா ரெட்டி ஆகியோரும் இதில் நடித்து வருகின்றனர்.
மேலும் தி ராஜா சாப், ஸ்பிரிட், ஃபௌஜி மற்றும் கல்கி 2898 ஏடி 2 போன்ற படங்களையும் அவர் கைவசம் வைத்திருக்கிறார்.. மேலும், அவர் Hombale தயாரிப்பு நிறுவனத்துடன் 3 படங்களில் நடிக்க கையெழுத்திட்டுள்ளார் என்பது குறிப்பிடத்தக்கது.
