இந்த அன்றாட உணவுகள் கெட்ட கொழுப்பின் அளவை சத்தமே இல்லாமல் அதிகரிக்கும்.. எச்சரிக்கும் மருத்துவர்கள்..

நீங்கள் என்ன உணவை சாப்பிடுகிறீர்கள் என்பது உங்களின் ஒட்டுமொத்த உடல் ஆரோக்கியத்தையும் தீர்மானிக்கிறது. குறிப்பாக, நீங்கள் சாப்பிடும் உணவு உங்கள் இதய ஆரோக்கியத்தையும் பாதிக்கிறது என்று நிபுணர்கள் எச்சரித்துள்ளனர்.

உணவுகள் இதய ஆரோக்கியத்தை பாதிக்குமா?

இதயத்தை ஆரோக்கியமாக வைத்துக்கொள்ளவும், ஒட்டுமொத்த எடையை நிர்வகிக்கவும், பலர் பழங்கள், காய்கறிகள் மற்றும் முழு தானியங்களை அதிக அளவில் உட்கொள்ள தொடங்கினவிட்டனர். மேலும் சர்க்கரை உட்கொள்ளலைக் குறைத்து, நிறைவுற்ற கொழுப்புகளை உட்கொள்வதைத் தவிர்க்கிறார்கள்.

இருப்பினும், சில உணவுகள் ஆரோக்கியமாகத் தோன்றினாலும், அவை கெட்ட கொழுப்பின் அளவை பாதிக்கலாம். ஆனால் இது எந்தவிதமான ஆபத்தான அறிகுறிகளையும் காட்டாது. எனவே, உங்கள் இதய ஆரோக்கியத்தை பராமரிக்கவும், கொழுப்பின் அளவைக் கட்டுக்குள் வைத்திருக்கவும் நீங்கள் தவிர்க்க வேண்டிய சில உணவுகள் குறித்து பார்க்கலாம்.

பதப்படுத்தப்பட்ட உணவுகள்

பதப்படுத்தப்பட்ட உணவுகளில் அதிக டிரான்ஸ்ஃபேட் மற்றும் அதிக அளவு சுத்திகரிக்கப்பட்ட கார்போஹைட்ரேட்டுகள் உள்ளன. இவை இரண்டும் கெட்ட கொழுப்பை அதிகரிக்கும். குக்கீகள், கேக்குகள் மற்றும் பேஸ்ட்ரிகள், சிப்ஸ், சில பாப்கார்ன் ஆகியவற்றில் டிரான்ஸ் கொழுப்புகள் அதிகம் உள்ளது. முடிந்தவரை இந்த உணவுகளை தவிர்ப்பது நல்லது.

முழு கொழுப்பு பால் பொருட்கள்

பாலில் கால்சியம் மற்றும் வைட்டமின் டி, புரதம் ஆகியவை நிறைந்திருந்தால், கிரீம், பாலாடைக்கட்டி போன்ற பால் பொருட்களில் நிறைவுற்ற கொழுப்புகள் அதிகமாக இருக்கும். இவற்றை அதிகமாக உட்கொள்வது கெட்ட கொழுப்பின் அளவை அதிகரிக்கும். குறைந்த கொழுப்பு அல்லது கொழுப்பு இல்லாத பால் விருப்பங்களுக்கு மாறுவது, ஆரோக்கியமான கொலஸ்ட்ரால் அளவை பராமரிக்க உதவும்.

பதப்படுத்தப்பட்ட இறைச்சிகள்

ஆட்டிறைச்சி போன்ற சிவப்பு இறைச்சிகள், ஹாட் டாக் போன்ற பதப்படுத்தப்பட்ட இறைச்சிகளில், பெரும்பாலும் நிறைவுற்ற கொழுப்புகள் மற்றும் கொலஸ்ட்ரால் அதிகம். இந்த வகை இறைச்சியை தொடர்ந்து உட்கொள்வது கெட்ட கொழுப்பின் அளவை அதிகரிக்க வழிவகுக்கும். கோழி, மீன், பீன்ஸ் மற்றும் பருப்பு வகைகள் போன்ற மெலிந்த புரத மூலங்கள் ஆரோக்கியமான மாற்றுகளாக இருக்கலாம்.

சுத்திகரிக்கப்பட்ட கார்போஹைட்ரேட்டுகள்

வெள்ளை பிரட், பேஸ்ட்ரிகள் மற்றும் காலை உணவு தானியங்கள் போன்ற வெள்ளை மாவுடன் செய்யப்பட்ட உணவுகளில் சுத்தகரிக்கப்பட்ட கார்போஹைட்ரேகள் சேர்க்கப்படுகின்றன. இது ட்ரைகிளிசரைடுகள் மற்றும் அதிக கெட்ட கொழுப்புக்கு வழிவகுக்கும். ஓட்ஸ், பிரவுன் ரைஸ் மற்றும் குயினோவா போன்ற முழு தானியங்கள் சிறந்த தேர்வுகள், அத்தியாவசிய ஊட்டச்சத்துக்கள் மற்றும் நார்ச்சத்தை வழங்குகிறது.

எண்ணெய்கள்

ஆலிவ் மற்றும் வெண்ணெய் எண்ணெய் போன்ற சில எண்ணெய்கள் இதயத்திற்கு ஆரோக்கியமானவை. ஆனால் அதே நேரம் பாமாயில் மற்றும் தேங்காய் எண்ணெய் போன்றவற்றில் நிறைவுற்ற கொழுப்புகள் அதிகம். சமையலுக்கு இந்த எண்ணெய்களை தொடர்ந்து பயன்படுத்துவது கெட்ட கொழுப்பின் அளவை அதிகரிக்க பங்களிக்கும். நிறைவுற்ற கொழுப்பு குறைவாகவும், நிறைவுறா கொழுப்பு அதிகமாகவும் உள்ள எண்ணெய்களைத் தேர்ந்தெடுப்பது சிறந்தது.

சர்க்கரை உணவுகள் மற்றும் பானங்கள்

சாக்லேட், மற்றும் இனிப்பு பானங்கள் உள்ளிட்ட சர்க்கரை நிறைந்த உணவுகள் எடை அதிகரிப்பதற்கும் ட்ரைகிளிசரைடுகளை அதிகரிப்பதற்கும் வழிவகுக்கும், இது பெரும்பாலும் கெட்ட கொழுப்பை அதிகரிக்கும்.. முழுப் பழங்கள் மற்றும் இனிக்காத தின்பண்டங்களைத் தேர்ந்தெடுப்பதன் மூலம் உங்கள் உணவில் சேர்க்கப்படும் சர்க்கரையைக் குறைப்பது உங்கள் கொழுப்பைக் கட்டுக்குள் வைத்திருக்க உதவும்.

தின்பண்டங்கள்

உருளைக்கிழங்கு சிப்ஸ், சீஸ் பஃப்ஸ் மற்றும் சர்க்கரை நிறைந்த பார்கள் போன்ற பல சிற்றுண்டி உணவுகள் ஆரோக்கியமற்றவை. இவை பெரும்பாலும் ஆரோக்கியமற்ற கொழுப்புகள் மற்றும் சர்க்கரைகளால் நிரம்பியிருக்கும், இந்த தின்பண்டங்கள் காலப்போக்கில் கெட்ட கொழுப்பின் அளவை அதிகரிக்க பங்களிக்கின்றன. அதற்கு பதிலாக, நடஸ், விதைகள் போன்ற ஆரோக்கியமான தின்பண்டங்களை சாப்பிடலாம்..

Read More : காலை அல்லது மாலை.. எந்த நேரத்தில் வாக்கிங் போனால் அதிக நன்மைகள் கிடைக்கும்..?