மீண்டும் ஷாக் கொடுத்த தங்கம் விலை.. இன்று எவ்வளவு உயர்ந்துள்ளது தெரியுமா?

சென்னையில் இன்றைய தினம் தங்கத்தின் விலை சவரனுக்கு ரூ.200 உயர்ந்து ரூ.56,840க்கு விற்பனையாகிறது.

சர்வதேச பொருளாதார சூழல், அமெரிக்க டாலருக்கு நிகரான இந்திய ரூபாயின் மதிப்பு ஆகியவற்றின் அடிப்படையில் தங்கம் விலை நிர்ணயம் செய்யப்படுகிறது. தீபாவளியன்று ரூ.59,640 என்ற வரலாறு காணாத உச்சத்தை அடைந்த தங்கத்தின் விலை பின்னர் இறக்கமாக இருந்தது. அதன்படி கடந்த 17ஆம் தேதி ஒரு கிராம் ரூ.6,935-க்கும், ஒரு சவரன் ரூ.55,480-க்கும் விற்பனை செய்யப்பட்டது.

ஆனால் கடந்த 7 நாட்களாக தங்கத்தின் விலை உயர்ந்திருந்த நிலையில் 2 நாட்களாக குறைந்தது. அதன்படி தங்கம் விலை கடந்த 2 நாட்களில் சவரனுக்கு ரூ.1760 குறைந்ததால் பொதுமக்கள் மகிழ்ச்சி அடைந்தனர்.

இந்த சூழலில் கடந்த 2 நாட்களாக தங்கம் விலை குறைந்த நிலையில் இன்று மீண்டும் உயர்ந்துள்ளது. அதன்படி இன்று தங்கம் விலை ஒரு கிராமுக்கு ரூ.25 உயர்ந்து ரூ.7,105க்கு விற்பனை செய்யப்படுகிறது. இதனால் ஒரு சவரனுக்கு ரூ.200 உயர்ந்து ரூ.56,840க்கு விற்பனையாகிறது. சென்னையில் இன்று வெள்ளியின் விலையில் எந்த மாற்றமும் இல்லை. ஒரு கிராம் வெள்ளி மாற்றமின்றி ரூ.98க்கு விற்பனை செய்யப்படுகிறது. இதனால் ஒரு கிலோ வெள்ளி ரூ.98,000-க்கு விற்பனை செய்யப்படுகிறது.

Read More : புதிய பான் 2.0 திட்டம் எதற்கு..? ஒரே இணையத்தில் எல்லாம்… மத்திய நேரடி வரிகள் வாரியம் விளக்கம்…!