கவனம்...! வரும் 22-ம் தேதி இறுதி வாக்காளர் பட்டியல் வெளியீடு...! அதற்குள் இதை முடிக்க வேண்டும்...!

வாக்காளர் பட்டியல் சுருக்க முறை திருத்தம் 2024 - வருகின்ற 22.01.2024 அன்று இறுதி வாக்காளர் பட்டியல் வெளியிடப்படுகிறது.

வாக்காளர் பட்டியல் சுருக்க முறை திருத்தம் 2024 வருகின்ற 22.01.2024 அன்று இறுதி வாக்காளர் பட்டியல் வெளியிடப்படுகிறது. இதுகுறித்து சேலம் மாவட்ட தேர்தல் அலுவலர் மற்றும் மாவட்ட ஆட்சித்தலைவர் கூறியதாவது; இந்திய தேர்தல் ஆணைய உத்தரவின்படி 2024-ஆம் ஆண்டிற்கான புகைப்பட வரைவு வாக்காளர் பட்டியல் கடந்த 27.10.2023, வெள்ளிக்கிழமை அன்று வெளியிடப்பட்டு சிறப்பு சுருக்க முறை திருத்தத்திற்கான பணிகள் 27.10.2023 முதல் மேற்கொள்ள உத்தரவிட்டுள்ளது.

அதன்படி 27.10.2023 முதல் 09.12.2023 வரை வாக்காளர் பட்டியல் சிறப்பு சுருக்கமுறை திருத்தப் பணிகளுக்கான படிவங்கள் பெறப்பட்டு நடவடிக்கை மேற்கொள்ளப்பட்டு வருகிறது. இறுதி வாக்காளர் பட்டியல் 05.01.2024, வெள்ளிக்கிழமை அன்று வெளியிடப்படுவதற்கு பதிலாக இறுதி வாக்காளர் பட்டியல் வருகின்ற 22.01.2024. திங்கட்கிழமை அன்று வெளியிடப்படுகிறது. இவ்வாறு மாவட்ட தேர்தல் அலுவலர் மற்றும் மாவட்ட ஆட்சித்தலைவர் தெரிவித்துள்ளார்.