பாலியல் வன்கொடுமை செய்யப்பட்ட 16 வயது சிறுமி.. கருக்கலைப்பு செய்ய நீதிமன்றம் உத்தரவு..!!

கேரள மாநிலம் திருச்சூரை சேர்ந்த 16 வயது சிறுமி பாலியல் வன்கொடுமைக்கு ஆளாகி கர்ப்பமானார். இந்த நிலையில் பலாத்காரத்தால் பாதிக்கப்பட்ட 16 வயது சிறுமியின் கருவை கலைக்க 26 வாரங்களுக்குப் பிறகு உயர் நீதிமன்றம் அனுமதி அளித்துள்ளது. சிறுமியின் மனநிலை குறித்த நிபுணர்களின் அறிக்கையை கருத்தில் கொண்டு இந்த முடிவு எடுக்கப்பட்டுள்ளது. இதற்கு முன் அனுமதி மறுத்த ஒற்றை பெஞ்ச் உத்தரவை ரத்து செய்யும் வகையில், டிவிஷன் பெஞ்ச் நடவடிக்கை எடுத்துள்ளது.

சிறுமிக்கு திருச்சூர் மருத்துவக் கல்லூரி மருத்துவமனையில் சிகிச்சை அளிக்கப்படும். பலாத்கார வழக்கில் விசாரணை நடைபெற்று வருவதால் கருவின் ரத்த மாதிரிகளை சேகரிக்கவும் நீதிமன்றம் உத்தரவிட்டுள்ளது. கருவில் உள்ள குழந்தையை உயிருடன் வெளியே எடுக்க முடிந்தால், உயிரை பராமரிக்க தேவையான நடவடிக்கை எடுக்க வேண்டும் என்றும், சிறுமி அல்லது அவரது குடும்பத்தினர் பராமரிக்கத் தயாராக இல்லை என்றால், அரசு பொறுப்பேற்க வேண்டும் என்றும் உத்தரவில் கூறப்பட்டுள்ளது. விசாரணை அதிகாரிகள் இந்த மாதிரிகளை தடய அறிவியல் ஆய்வகத்தில் பாதுகாப்பாக வைக்க வேண்டும் என்றும் நீதிமன்றம் கூறியுள்ளது. 

Read more ; ரெஸ்யூம் ரெடி பண்ணிக்கோங்க.. TCS ஐடி நிறுவனத்தில் வேலை..! சென்னையிலேயே பணி..