அதிர்ச்சி..!! அழகு சாதனப் பொருட்கள், காலணிகள், கைக்கடிகாரங்களின் விலை உயர வாய்ப்பு..? என்ன காரணம் தெரியுமா..?

இந்தியாவில் ஜிஎஸ்டி அறிமுகப்படுத்தப்பட்டு 7 ஆண்டுகள் ஆகிவிட்ட நிலையில், ஜிஎஸ்டி வரியில் மாற்றம் கொண்டு வர வேண்டும் என தொடர்ந்து கோரிக்கைகள் வைக்கப்பட்டு வருகிறது. இந்நிலையில் தான், சில முக்கியப் பொருட்களின் ஜிஎஸ்டி வரியை தற்போதைய 28%இல் இருந்து 35%ஆக உயர்த்த முடிவு செய்யப்பட்டுள்ளது. புகையிலை மற்றும் புகையிலை பொருட்களுக்கு தற்போதைய 28%-க்கு பதிலாக 35% விதிக்க பரிந்துரைக்கப்பட்டுள்ளது.

இதன் காரணமாக ஜவுளி, மிதிவண்டிகள், உடற்பயிற்சி புத்தகங்கள் ஆகியவற்றின் விலை உயரும் அபாயம் உள்ளது. ஜவுளிப் பொருட்களுக்கான விலை ரூ.1,500 வரை இருந்தால் அதற்கு 5% வரி விதிக்க முடிவு செய்யப்பட்டுள்ளது. ஆனால், ரூ.1,500 முதல் ரூ.10 ஆயிரம் வரையிலான பொருட்களுக்கு 18% வரியை விதிக்க முடிவு செய்யப்பட்டுள்ளது. ரூ.10,000-க்கு மேல் உள்ள ஜவுளிகளுக்கு, 28% வரி விதிக்க பரிந்துரைக்கப்பட்டுள்ளது.

அத்துடன் அழகு சாதனப் பொருட்கள், கைக்கடிகாரங்கள் மற்றும் காலணிகள் போன்ற பிற உயர்தர பொருட்களுக்கான விலையும் உயர வாய்ப்புள்ளது. ரூ.25,000-க்கு மேல் விலையுள்ள கைக்கடிகாரங்களுக்கான ஜிஎஸ்டியை 18%இல் இருந்து 28%ஆக அதிகரிக்க GoM முன்மொழிந்துள்ளதாக தகவல் வெளியாகியுள்ளது. இதேபோல், ரூ.15,000-க்கு மேல் விலையுள்ள ஷூக்களும் வரி உயர்வு விதிக்க பரிந்துரைக்கப்பட்டுள்ளது. மேலும், ரூ.10 ஆயிரத்திற்கு குறைவான சைக்கிள்களுக்கான ஜிஎஸ்டியை 12%இல் இருந்து 5%ஆக குறைக்க முன்மொழிந்துள்ளது.

காற்று நிரப்பப்பட்ட பானங்கள், சிகரெட்டுகள், புகையிலை பொருட்கள் மீதான ஜிஎஸ்டி வரியை 28 சதவீதத்தில் இருந்து 35% உயர்த்த முடிவு செய்யப்பட்டு உள்ளதாக ஜிஎஸ்டி வட்டாரங்கள் தெரிவிக்கின்றன. மொத்தத்தில், ஜிஎஸ்டி கவுன்சிலுக்கு 148 பொருட்களுக்கான வரி விகிதங்களை மாற்ற முடிவு செய்துள்ளதாக கூறப்படுகிறது. இந்த முடிவுகள் ஜிஎஸ்டி கவுன்சிலில் ஆலோசனை செய்யப்பட்டு இறுதி செய்யப்படும். ஜிஎஸ்டி கவுன்சில் முடிவிற்கு பிறகே இந்த வரி விகிதங்கள் அமலுக்கு வரும் என்று எதிர்பார்க்கப்படுகிறது.

Read More : மழைக்காலம்…!! காய்ச்சல், இருமல், சளியால் அடிக்கடி அவதிப்படுறீங்களா..? இந்த கசாயத்தை மட்டும் குடிச்சிப் பாருங்க..!!