மக்களே சூப்பர் அறிவிப்பு..!! ஜனவரி 20ஆம் தேதி வரை வாங்கிக் குவிக்கலாம்..!!

கிறிஸ்துமஸ், புத்தாண்டு, பொங்கல் பண்டிகை காலத்தை முன்னிட்டு ஆவின் நெய் விலை லிட்டர் ஒன்றுக்கு ரூ.50 தள்ளுபடி செய்யப்படுவதாக அறிவிக்கப்பட்டுள்ளது.

இது தொடர்பாக ஆவின் மேலாண்மை இயக்குநர் விடுத்துள்ள அறிவிப்பில், ”தமிழ்நாடு கூட்டுறவு பால் உற்பத்தியாளர்கள் இணையம் பொதுமக்கள் தேவையை அறிந்து நெய், வெண்ணெய், தயிர், பன்னீர், ஐஸ்கிரீம் மற்றும் நறுமண பால் வகைகளை 1,000-க்கும் மேற்பட்ட ஆவின் பாலகங்கள் மற்றும் சில்லறை விற்பனையாளர்கள் மூலம் விற்பனை செய்து வருகிறது. மேலும், பால் உபபொருட்களின் விலையிலும், தரத்திலும் பொதுமக்கள் விரும்பும் வகையில் பல்வேறு மாற்றங்கள் செய்யப்பட்டு வருகின்றன.

இந்நிலையில், பண்டிகை காலங்களில் பொதுமக்களிடையே ஆவின் பால் உபபொருட்களுக்கான தேவை தொடர்ந்து அதிகரித்துள்ளது. அந்தவகையில், பொதுமக்கள் அதிகம் விரும்பி பயன்படுத்தும் ஆவின் நெய்யை எதிர்வரும் கிறிஸ்துமஸ், புத்தாண்டு மற்றும் பொங்கல் பண்டிகையை முன்னிட்டு இன்று (டிசம்பர் 2) முதல் ஜனவரி 20ஆம் தேதி வரை லிட்டர் ஒன்றுக்கு ரூ.50 தள்ளுபடி செய்து விற்பனை செய்ய முடிவெடுக்கப்பட்டுள்ளது. எனவே, பொதுமக்கள் அனைவரும் இந்த அதிரடி தள்ளுபடி விலையில் ஆவின் நெய்யினை பெற்று பயன்பெறுமாறு அன்புடன் கேட்டுக்கொள்ளப்படுகிறது” என்று தெரிவிக்கப்பட்டுள்ளது.