அடுத்தடுத்து அதிரடி!. 34 மல்டி வைட்டமின்களுக்கு தடையா?. மத்திய அரசு பரிசீலனை!

Multi-Vitamins: 156 மருந்துகளுக்கு தடை விதிக்கப்பட்டதைத் தொடர்ந்து, மேலும் 34 மல்டிவைட்டமின்களைத் தடை செய்வது குறித்து மத்திய அரசு பரிசீலித்து வருவதாக தகவல்கள் தெரிவிக்கின்றன.

பக்க விளைவுகளையும் உயிருக்கு அச்சுறுத்தல் மற்றும் அலர்ஜிகளை ஏற்படுத்தும் சில மருந்துகளுக்கு அவ்வப்போது மத்திய அரசு தடை விதித்து வருகிறது. அந்த வகையில் தற்போது ஒரே அடியாக 156 காக்டெய்ல் மருந்துகளுக்கு மத்திய அரசு தடை விதித்துள்ளது. தடைசெய்யப்பட்ட மருந்துகளின் பட்டியலில் முடி வளர்ச்சி, தோல் பராமரிப்பு மற்றும் வலி நிவாரணம், மல்டிவைட்டமின்கள், ஆன்டி-பராசிடிக்ஸ், ஆன்டிஅலெர்ஜி போன்றவற்றிற்கு பயன்படுத்தப்படும் மருந்துகள் அடங்கும்.

நிலையான டோஸ் கலவைகள் ஒரு மாத்திரையில் ஒன்றுக்கு மேற்பட்ட மருந்துகளை இணைக்கும் மருந்துகள் "காக்டெய்ல்" மருந்துகள் என குறிப்பிடப்படுகின்றன. இந்நிலையில் இந்த வகையான 156 மருந்துகள் தடைசெய்யப்படுவதாக அறிவிக்கப்பட்டுள்ளது. முன்னணி மருந்து நிறுவனங்களான சிப்லா, டோரண்ட், சன் பார்மா, ஐபிசிஏ லேப்ஸ் மற்றும் லூபின் ஆகியவை மத்திய அரசின் தடையால் பாதிக்கப்பட்டுள்ளன.

இந்தநிலையில், மேலும் 34 மல்டிவைட்டமின்களைத் தடை செய்வது குறித்து மத்திய அரசு பரிசீலித்து வருவதாக தகவல்கள் தெரிவிக்கின்றன. "மதிப்புரைகளின் அடிப்படையில் 34 மல்டிவைட்டமின்கள் மதிப்பீட்டில் உள்ளன" என்று ஆதாரங்கள் தெரிவித்தன. புதிய விதிமுறைகளின் கீழ், மாநிலங்கள் இனி மருந்து சேர்க்கைகளை அங்கீகரிக்க முடியாது என்றும் ஆதாரங்கள் குறிப்பிட்டுள்ளன.

Readmore: ’மகிளா சம்மான் சேமிப்புச் சான்றிதழ்’ திட்டம் பற்றி தெரியுமா..? இவ்வளவு பயனுள்ளதா..?