10, 11, 12ஆம் வகுப்பு மாணவர்களே..!! இன்று முதல் பொதுத்தேர்வுக்கு விண்ணப்பிக்கலாம்..!! தேர்வுத்துறை இயக்குநரகம் அறிவிப்பு..!!
10, 11 மற்றும் 12ஆம் வகுப்பு பொதுத்தேர்வு எழுதும் மாணவர்கள், தனித்தேர்வர்கள் இன்று முதல் விண்ணப்பிக்கலாம் என்று அறிவிக்கப்பட்டுள்ளது.
இதுகுறித்து தேர்வுத்துறை இயக்குநரகம் வெளியிட்டுள்ள அறிவிப்பில், ”தமிழ்நாட்டில் 10, 11 மற்றும் 12ஆம் வகுப்புகளுக்கான பொதுத்தேர்வு மார்ச், ஏப்ரல் மாதங்களில் நடைபெறவுள்ளது. எனவே, தேர்வெழுத விருப்பமுள்ள தனித்தேர்வர்களிடம் இருந்து விண்ணப்பங்கள் வரவேற்கப்படுகிறது.
தனித்தேர்வர்கள் இன்று (டிசம்பர் 6) முதல் டிசம்பர் 17ஆம் தேதிக்குள் கல்வி மாவட்ட வாரியாக உள்ள அரசு சேவை மையங்களுக்கு சென்று தங்கள் விண்ணப்பங்களை தேர்வுக் கட்டணம் செலுத்தி பதிவு செய்து கொள்ளலாம். இதுதவிர தேர்வுக் கட்டணம், விரிவான தேர்வுகால அட்டவணை, விண்ணப்பிக்கும் வழிமுறைகள் உள்ளிட்ட மேலும் விவரங்களுக்கு www.dge.tn.gov.in என்ற இணையதளத்தை பார்வையிடலாம்.
விண்ணப்பிக்கும் போது வழங்கப்படும் ஒப்புகை சீட்டில் குறிப்பிட்டுள்ள விண்ணப்ப எண்ணை பயன்படுத்தியே மாணவர்கள் தங்களின் ஹால் டிக்கெட்களை பதிவிறக்கம் செய்ய முடியும்” என்று தேர்வுத்துறை இயக்குநரகம் வெளியிட்டுள்ள அறிவிப்பில் தெரிவிக்கப்பட்டுள்ளது.