கர்நாடகா: "துணிகளை கிழித்து.." மாணவன் தலையில் அம்பேத்கர் படம்.!! பதற வைக்கும் காட்சிகள்.! அதிர்ச்சி வீடியோ.!

கர்நாடக மாநிலத்தில் இயங்கி வரும் பள்ளி விடுதி ஒன்றில் மாணவன் அரை நிர்வாணமாக்கப்பட்டு தலையின் அம்பேத்கர் படத்தை சுமந்தபடி ஊர்வலமாக அழைத்துச் செல்லப்பட்ட சம்பவம் பரபரப்பையும் அதிர்ச்சியையும் ஏற்படுத்தி இருக்கிறது. இது தொடர்பாக காவல்துறையினர் பல்வேறு பிரிவுகளின் கீழ் வழக்கு பதிவு செய்து விசாரணை நடத்தி வருகின்றனர்.

கர்நாடக மாநிலம் கல்புர்கி மாவட்டத்தில் இயங்கி வரும் மாணவர் விடுதியில் கடந்த வெள்ளிக்கிழமை அன்று குடியரசு தின விழா கொண்டாடப்பட்டது. அப்போது டாக்டர் அம்பேத்கரின் உருவப்படத்திற்கு மரியாதை செலுத்தும் நிகழ்வு நடந்து கொண்டிருந்தது. இந்த நிகழ்வில் கலந்து கொள்வதற்கு ஒரு மாணவன் மறுப்பு தெரிவித்ததாக கூறப்படுகிறது.

இதனால் ஆத்திரம் அடைந்த சக மாணவர்கள் விழாவில் கலந்து கொள்ள மறுத்த மாணவனை அரை நிர்வாணமாக்கி தலையில் அம்பேத்கர் படத்தை சுமந்தவாறு ஊர்வலமாக அழைத்துச் சென்றுள்ளனர். இந்த சம்பவத்தை சிலர் வீடியோ எடுத்து சமூக வலைதளங்களிலும் பதிவேற்றினர்.

இந்த சம்பவம் தொடர்பாக கல்புர்கி நீதிமன்றத்திற்கு தகவல் தெரிவிக்கப்பட்டது. இதனைத் தொடர்ந்து நீதிமன்ற உத்தரவின் பேரில் அசோக் நகர் காவல் துறையினர் இந்திய தண்டனைச் சட்டம் 341, 323, 504, 505(2), 506 ஆகிய பிரிவுகளில் வழக்கு பதிவு செய்து விசாரணை நடத்தி வருகின்றனர்.